PAUTWAS!

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Libre nga condom para sa pamatan-on’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]

[av_textblock size=” font_color=” color=”]
PLANO sang Department of Health (DOH) nga managtag sang libre nga condom sa mga kabataan sa eskwelahan. Kabahin ini sang “business as usual” nga stratehiya sa pagdula sang HIV (human immunodeficiency virus) sa pungsod.

Suno kay DOH secretary Paulyn Rose Ubial nakita sa statistics nga mataas ang kaso sang HIV sa mga pamatan-on nga nagaedad sang 15-24 anyos nga may rekord nga 10,279 cases sugod Enero 2016 – Oktobre 2016. Bangud sini target ang mga kabataan sa mga buluthuan.

Una nga magabaton sang libre nga condom ang National Capital Region, Region IV-A, kag Region III kag mga lugar nga mataas ang kaso sang HIV dala sang manubo nga porsyento sang mga nagagamit sang condom.

Kada tuig nagakahangawa kita sa statistics sang pagtaas sang kaso sang HIV. Kadam-an sang mga may HIV amo ang mga lalaki nga nagapakighilawas sa kapareho nga lalaki ukon MSM. Mas mataas ang kaso sa mga lalaki kun ipaanggid sa mga babaye. Kun sang una mataas ang kaso sa mga overseas Filipino workers, subong mataas na ang kaso sang local transmission. Kag mayor nga pamaagi sang transmission ukon paglaton sang HI virus amo ang pagpakighilawas. Sa simple nga pulong ang paglapta sang HIV bunga sang pagka-iresponsable sang tanan nga aktibo ang ila sex life.

Sin-o lang abi nga tawo ang wala nanamitan makighilawas? Tanan kita nanamitan sa sex [bisan pa nga indi ini pagkaon]. Ipokrito lang ang indi mag-ako sini. Siling sang kilala ko, “Manamit gani ang masturbation ayhan pa ang tuod na gid nga sambuwa?”

Santo sa sini nga bagay, makasiling kita nga mabudlay nga punggan ang kagustuhan nga makighilawas, straight ka man (heterosexual), silahis (bisexual) ukon homosexual (agi ukon tomboy).

Ang sentro subong amo ang sa mga kalalakihan nga kabataan. Hamakon mo ina nga may HIV ka sa edad nga 15 anyos pa lamang? Makasiling kita nga balasulon ang mga ginikanan. Bilang isa ka ginikanan, tanan halos ginahimo naton para sa kabataan nga mag-usoy sang tadlong nga banas sang kabuhi. Apang bangud sang sosyudad indi malikawan nga mabuyok sila sa lisa nga dalan.

Sadtong 1980s nagapanagtag man ang Ministry of Education sang libre nga condom sa mga kabarangayan. Target sini ang mga mag-asawa agud malimitahan ang pagtaas sang populasyon.

Masiling ta nga kun basehan ang populasyon, palpak man ini nga programa bangud madasig sa gihapon ang pagtaas sang populasyon.

Sa 2017, managtag na sang libre nga condom ang DOH sa mga pamatan-on sa eskwelahan. Target sini nga mahatagan sang proteksyon ang mga sexually active nga sector sang populasyon. Sila ang ginakabig nga sexually active kag mahuyang nga sector.

Halin sang una tubtob subong ngaa bala manubo ang comdom use? Ngaa bala madamo ang indi gusto mag gamit sang condom sa pagpakighilawas? Nahibaluan nyo bala nga bisan lamharon subong aktibo sa sex kag nagagamit na sang contraceptive pills bilang proteksyon sa pgbusong?

Buot silingon mas ginakabalak-an sang mga ini ang pagbusong sa indi husto nga ti-on sang sa sakit nga dala sang pagpakighilawas (STD/STI). Ano abi hay indi kuno manamit kaunon ang saging nga wala napanitan. Hahahaha!!!

Suguran na lang naton sa aton panimalay ang kampanya. Bilang ginikanan kita una ang dapat nga nakahibalo sang nagakatabu sa aton kabataan. Indi nga kita ang pinakaulihi nga makahibalo kun nagabusong ukon nakapabusong ang aton anak.

Indi kita mag-worry sang pagbusong kay ang bata blessing. Ang aton kabalak-an ang sakit dala sang pagpakighilawas sa sari-sari nga mga tawo, labaw sa tanan ang makatalagam nga HIV.

May libre man nga condom ukon wala, mangin protektado. Mangin tampad sa partner. Kon wala, magkuntento sa tudlo ukon palad./PN
[/av_textblock]

[/av_one_full][av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Durogista gintiro sang Pulis’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]

[av_textblock size=” font_color=” color=”]

Syudad sang ILOILO – Patay ang isa sa duha ka high-value targets sa pagduso sang ilegal nga droga kag subjects sa warrant of arrest para sa kaso nga two counts of murder sa operasyon sang Criminal Investigation and Detection Group (CIDG) 6 sa Barangay Ticud, La Paz alas-3:34 sang hapon kahapon. Gindeklarar nga dead-on-arrival sa West Visayas Medical Center si Aslani Ansari alyas Boy nga nakaagom sang pilas sa lawas. Na-aresto naman ang upod sini nga si Alex Mapandi alyas Angari/Agie, 31. Sandig sa report halin kay Senior Supt. Marlon Tayaba, hepe sang CIDG-6, upod ang mga katapo sang Special Weapons And Tactics kag Iloilo City Police Office, plano nila nga i-serbe ang warrant of arrest para sa kaso nga two counts of murder kontra sa duha sang nagluntad ang insidente. Ginapasuni nga nagbatu si Ansari paagi sa pagtiro sa isa sa mga katapo sang CIDG-6 rason nga na-puersa ang mga otoridad nga magbalos kabangdanan sang iya kamatayon. Narekober naman sa paghinakop sang duha ang duha ka mga pusil kag pila ka plastic sachets sang ginapatihan shabu. Sa interbyu naman sang mga katapo sang media kay Senior Insp. Rey Sumagaysay, hepe sang La Paz PNP, sanday Ansari kag Mapandi ang ginatudlo mga suspek sa pagpatay paagi sa pagsunog sa isa ka Muslim nga nasapwan nga naputos sa plastic sa circumferential road sa Brgy. Balabago, Jaro sang tinalikdan nga bulan./H

[/av_textblock]
[/av_one_full]