[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Paskwa sa likod sang rehas’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Joel Franco
[/av_heading]
[av_textblock size=” font_color=” color=”]
Si tyay Maria (indi matuod nga ngalan), 71 anyos na kag tumandok sang Barangay Bakhaw, Mandurriao, isa ka drug-affected barangay sa Syudad sang Iloilo. Maniwang, ungabon na ang ngipon kag medyo maluya na. Kapin na sa pito ka tuig nga naga-antus sa sulod sang karsel. Ang kaso? Maintaining drug den.
Kaupod man niya nga napriso ang iya duha pa ka bata nga babae samtang ang iya lalaki nga bata ginbiyahe na sa Bilibid. Si tyay Maria man ang pinakatigulang nga priso sa female dorm sang Bureau of Jail Management and Penology sa Dalan Gen. Luna, City proper.
Upod man nila sa karsel ang pinakabata nga inmate nga si Feri An, 19 anyos kag isa na ka iloy. Kapin duha na sia ka tuig nga nagasaulog sang Paskwa sa sulod sang karsel bangod sa kaso angut sa ilegal nga droga. Nagtalang ang iya banas bangod wala na sang pamilya. Nakakilala sang lalaki nga abi niya magahatag sa iya sang matahum nga kabuhi apang sa baylo, kalalat-an ang nadangatan bangod ang bana isa man ka pusher kag karon priso man.
Duha ka magkatuhay nga henerasyon apang nagtabu-anay ang banas sa prisohan sa kaso angut sa ilegal nga droga. Sanday Maria kag Feri Ann tinuig na nga sa likod sang rehas nagasaulog (ina kon may ginasaulog gid man) sang Paskwa sa tagsa ka tuig.
“Tuman ka subo ang amon Paskwa. Pito na ka tuig ko nga ginasaulog sa sulod sang prisohan. Subong pa gid kay tatlo na kami sang anak ko nga priso, mas masubo pa gid. Ang amo pag-upod indi para sa kasadyahan, kundi silot sa amon,” pahayag ni tyay Maria.
Nagahandum man si tyay Maria nga makagwa na agud makapangabuhi na sang normal sa ila lugar kaupod ang iya bana nga isa ka traysikad drayber. Kag liwat sini nga ginpanindugan nga indi drug den ang iya balay kundi pasugalan niya.
“Imol gid kami ya to. Asta subong imol kami paano nga sa droga kami,” panindugan ni Maria.
Samtang, apelar naman ni Feri Ann sa iban nga ara pa sa gwa, dulogan na ang malain nga ginahimu bangod wala ini sang tugahon nga maayo sa kabuhi. Kon mabalik lang ang panahon kontani, siling pa niya.
“Ang masakit lang kay ang akon anak gamay pa sang napriso ako, ara subong sa ugangan ko,” pahayag ni Feri Ann nga may luha ang mga mata.
Kag sanday Feri Ann kag tyay Maria may pareho nga handum – ang makasaulog sang Paskwa sa gwa sang rehas kaupod ang ila tagsa ka pamilya./PB
[/av_textblock]
[/av_one_full]
