[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’New Year’s resolutions’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Thursday, December 29, 2016
[/av_textblock]
[av_textblock size=” font_color=’custom’ color=’#0a0a0a’]
MALAPIT na nga magtakop ang tuig 2016. Magasug-alaw na kita sang bag-o nga tuig nga amo ang tuig 2017.
Kinaandan na sa atun nga sa pagtakop sang tuig nagalista kita sang mga lalambuton sa pagsulod sang bag-o nga tuig — mga bagay nga luyag likawan kag gusto tumanon. Ini ang ginatawag nga New Year’s resolutions.
Kadam-an nga ang New Year’s resolution amo ang pag-exercise, pag-diet, mag-untat sang bisyo, mangin mapisan, mangin tampad, kag madamo pa. Masami nagapanguna ang para sa ikaayong lawas kag pagbinatasan.
Ang pamangkot, natuman nyo bala ini? May nalambot bala kamo sa inyo mga ginpangako sa kaugalingon?
Ngaa bala nagakapaslawan kita nga matuman ang aton mga New Year’s resolutions?
Ina bangud nga nagatalana kita sang indi realistic nga paglaum. Maayo man nga maghimo ka sang resolutions nga makahangkat nga makahatag sang pagtulon-an apang kun indi ini matuman, makasakit lamang sa aton balatyagon. Maghimo sang handum nga mahapos lamang malambot.
May mga ti-on man nga indi maathag kun ano gid bala ang aton resolutions. Dapat magtalana kita sang maathag kag attainable nga resolutions.
Kinahanglan lang nga maathag kun ano ang luyag nga malambot santo sa ginpahayag nga resolution. Kilalahon na nga daan ang mga sablag agud mahandaan na ang mangin solution diri.
Dako man ang mabulig sang iban nga tawo sa aton paglambot sang mga handum, gani siling sang mga experts, magpangita sang tawo nga makabig “factor” sa imo kadalag-an. Likawan ang mga tawo nga makasablag sa pag-abot sang imo handum.
Kun sa tunga-tunga sang imo handum makita nga indi ini malambot, dapat may mga alternatibo kita nga nahanda. Plan B, siling nila.
Indi gid pagkalipatan nga mangin desiplinado sa tanan nga hulag. Wala ginabaton ang balibad para sa kapaslawan.
Ikaw, ano bala ang imo New Year’s resolutions? Nasuguran mo na bala ini himo sang outline kun paano malambot? Ukon basi naanad kita nga bahala na ang bwas?
Ang New Year’s resolutions indi lamang hampang, indi lamang para sa term paper sa eskwelahan ukon sa formal theme sang mga bata. Ini nagaserbe nga ubay sa aton pagsinalayo sa bag-o nga tuig.
Kun may mga kapaslawan kita sa magataliwan nga tuig, ina mangin leksyon agud indi na masulit sa pagsulod sang bag-o nga tuig./PN
[/av_textblock]
[/av_one_full]
