[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Durogista gintiro sang Pulis’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=” color=”]
Monday, January 2, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Wala na makaluwas pa ang Hungarian national nga gintiro sa sulod sang subdivision sa Barangay Balabag, Pavia, Iloilo alas-3:30 sang kaagahon kahapon.
Gindala pa sa Rural Health Unit sang Pavia ang biktima nga si Melczer Da’niel, 37, pero ginbawian gid sang kabuhi bangod sang mga pilas sa agtang, tuo nga tuhod kag wala nga kamot.
Ginatudlo naman nga suspetsado si Lucindo Lim, 42, residente man sang nasambit nga lugar.
Sandig sa imbestigasyon sang Pavia Municipal Police Station (MPS), may nagluntad nga komosyon sa tunga sang biktima kag sang suspetsado matapos nga ginsaway sang una nga indi magpalupok sang firecrackers si Lim.
Nagsingki-anay ang duha tubtob nga nagkuha sang pusil ang suspetsado kag gintiro sang makapila ka beses ang biktima.
Nadakpan man dayon ang suspetsado sang nagresponder nga mga pulis kon sa diin nakuha sa paghinakop sini ang 9mm pistol kag kalibre .45.
Yara na subong si Lim sa kustodiya sang Pavia MPS para sa nagakaigu nga disposisyon sang iya kaso./PB
[/av_textblock]
[/av_one_full]
