[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Wala nagatuon sang leksyon’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Tuesday, January 3, 2017
[/av_textblock]
[av_textblock size=” font_color=’custom’ color=’#0a0a0a’]
NAGATAKOP ang tuig nga halos wala sang katapusan ang pahanumdum sang kapulisan kag Department of Health (DOH) sa publiko nga likawan ang palupok kag indi magpalupok sang armas luthang. Ini sa katuyuan nga mapahilayo sa katalagman ang publiko.
Apang sa pagbulag sang tuig hinali man nagtaas ang numero sang nalukpan sang palupok. May mga naigo man sang stray bullet lakip na ang 15 anyos nga babaye sa Malabon nga ara sa kritikal nga kondisyon. Masakit para sa mga mabiktima ang ini nga sitwasyon. Masakit batyagon bangud samtang nagabakho ang balatyagon sa dinangatan sang palangga sa kabuhi, ang may kahimuan sang patarasak sang pagpalupok sang armas nagapangalipay.
Ang mga biktima sang palupok masobra sa 350 sa bug-os nga pungsod, ini 60 percent nga pagnubo sang mga nasamaran bangud sang palupok.
Ini nga mga statistics ginakabig na ni Department of Health (DOH) secretary Paulyn Rosell Ubial nga talalupangdon bangud sa tuman kadako sang pagnubo. Siling naman sang iban kahadlok kay President Duterte ang kabangdanan sini nga pagnubo.
Antes pa man ang bulan sang Disyembre nagkampanya na ang gobyerno batok sa palupok. Ginsundan pa ini sang work stoppage order sang Department of Labor and Employment (DOLE) sa mga manufacturing companies nga kulang sa safety standard sa ila hilimuan sang palupok.
Ini nga mga tikang sang gobyerno nagapabatyag na nga nagapadulong sa lubos nga pagdumili ang gobyerno sang palupok pero indi lang mapatuman gilayun bangud sang kadamuon sang mahalitan nga palangabuhian. Madamo ang madulaan sang trabaho kag mas madamo nga pamilya ang magutuman.
Sa bahin sang DOH, naghimo pa sila sang scare campaign paagi sa pagpakita sang mga makasiligni nga kapilasan tuga sang palupok.
Ini tanan nga paghimakas halos wala epekto sa iban. Madamo sa gihapon ang nagbakal sang palupok. Ina ang mga tawo nga nagtuga ukon nabiktima sang palupok.
Ngaa bala madamo sa aton ang wala gid nagapati sa katalagman nga matuga sang palupok? Ngaa bala madamo sa gihapon ang bat-ulan? Siling nila mabudlay dulaon ang namat-an nga kultura nga ginpanubli pa naton gikan sa mga Intsek.
Kinahanglan ta pa bala nga ang atun mismo pamilya ang magbatyag sini antes kita makatuon?
Sa masunod nga pagtakop sang tuig ano naman ayhan ang mangin statistics? Ano naman ayhan ang numero? Kag labi sa tanan sin-o ayhan ang masunod nga mangin biktima?
Kabay pa nga indi ang imo ukon ang akon pamilya./PN
[/av_textblock]
[/av_one_full]
