[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Nagguluwa na ang kamatuuran’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
NAGGWA na ang kamatuuran.
Ang kamatuoran nga ang mga pangako indi mahatagan sang katumanan ilabi na kun politiko ang nagapangako.
Isa sa pinakadako nga kabutigan nga napamatud-an na subong amo ang ginpangako ni President Rodrigo Duterte nga ipatuman niya ang P2,000 nga pension hike sa mga Social Security System (SSS) pensioners nga una na gin-veto ni anay President Benigno Aquino III antes ini nagpanaog sa pwesto. Sadtong ti-on sang kampanya isa ini sa dako nga isyu nga nakaguba sa Aquino administrasyon. Madamo ang naga-question sa desisyon ni PNoy bangud masarangan kuno sang SSS nga maghatag sang pension hike. Sa veto ni PNoy ginpahayag sini nga indi mahimo nga paboran ang duha ka million nga pensioners kabaylo sang 31 ka million nga mga katapo sang SSS.
Sa kampanya ni Digong ginsiling niya nga ipatuman niya ang pension hike. Ginmanduan pa niya ang Kongreso nga magdihon sang bag-o nga version sang pension hike bill. Apang sang nahuman na ang hagna, indi man gale niya pag-aprubahan bangud maputo kuno ang SSS. Ini base sa panugyan sang iya mga economic advisers.
Kun sa umpisa pa lang nabal-an na ini sang iya mga presumptive economic advisers, ngaa wala nila ini ginhambal kay Duterte sadtong panahon sang kampanya? Ngaa subong nga Duterte administration na ginasulit lang nila ang veto message ni PNoy?
Masakit man akuon pero sa kampanya pa lang ginpatalang na ang mga Filipino. Ginpalaum sa wala! Ginpalaum sa hangin!
Matuod nga ini pila lamang kun ipaanggid sa kadalag-an sang Duterte administration. Apang maathag nga naggamit sila sang elemento sang pagpatalang agud makakuha sang simpatiya kag matum-ok sa kadulom ang iban.
Kun kita may pamilya nga pensionado sang SSS handum naton nga mapataas ini. Hamakon mo nga sa pulo ka tuig nga remittance P1,200 lang ang bulanan nga pension kag kun madugangan mahimo nga P3,000. Dako nga bagay indi bala? Pero ang pamangkot kun madadyun ini asta san-o ang kabuhi sang pension fund? Ini ang bagay nga dapat hatagan sang mas dako nga bili.
Subong plano naman nga kakason ang iban nga prebilihiyo nga ginahatag sa mga senior citizens kaangay sang value-added tax exemption sa iban nga mga serbisyo kag produkto, tax exemption sang bonuses kag iban pa. Maathag nga ang mga plataporma ni Duterte sadtong kampanya ginbase lang sa haum-haum kag wala sang maathag nga programa para ini ipatuman. Maathag nga maayo lang nga crime czar si Duterte pero palpak sya sa iban nga aspeto kaangay sang ekonomiya, social services kag iban pa.
Suportahan ta si Duterte sa kampanya kontra droga kag kriminilidad. Bantayan naton ang iya mga kamot kun husto ang hulag.
Sa ekonomiya, panawagan naton, ihatag na lang ini sa mas may kinaalam nga ekonomista./PN
[/av_textblock]
[/av_one_full]
