[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 ka AWOL nga pulis ginatudlo nagpatay sa Intsik, gwardiya ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Thursday, January 19, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Ginpasakaan na sang kaso sang Martes ang duha ka nag-Absent Without Official Leave (AWOL) nga pulis angut sa pagpangawat kag pagpatay sa Intsik kag gwardiya sang JDS Mindoro Enterprises Corporation sa Barangay 13 diri sadtong Disyembre 26, 2016 sang gab-i.
Kaso nga robbery with homicide ang ginpasaka sa korte kontra kanday Jason Cartel Sumalangcay kag Marlon Famucol upod ang tatlo ka wala makilala nga mga persona nga nagserbe nga lookout nila.
Sunu kay Senior Inspector Eugene Tolentino sang Police Station 1, sanday Famucol kag Sumalangcay ang ginkilala sang mga testigo sa ila pag-imbestigar.
Nahibaluan nga ginsulod sang mga suspek ang baligyaan nga nataboan nga nagapanghimos na agud manira. Patay diri tuga sang pagtiro ang anak sang tag-iya sang baligyaan nga si Changle Wu alyas Alok kag gwardiya nga si Jilbert Mayang, 40, tumandok sang Brgy. Talacagay, Hinobaan.
Tatlo ka iban pa nga mga Intsik ang napilasan man sa amo nga insidente nga amo sanday Wei Quang Huang, Juan Long Huang kag Zhang Xiao Dong.
Samtang gintaban man sang mga suspek ang kapin P1 milyon nga benta sang baligyaan sa sulod sang tatlo ka adlaw.
Si Sumalangcay nadestino anay sa Negros Occidental Public Safety Company samtang si Famucol sa Bacolod City Police Office. Si Famucol isa man sa mga pulis nga nagpositibo sa random drug test sang nagligad nga tuig kag nagapangatubang sang kaso admisnitratibo.
Sa interbyu naman sang isa ka istasyon sang radyo sa Bacolod kay Sumalangcay, ginpanginwala niya ang akusasyon kag ginpahayag nga ato na gani sa Camp Crame si Famucol./PB
[/av_textblock]
[/av_one_full]
