[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Responsible reporting!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Saturday, January 21, 2017
[/av_textblock]
[av_textblock size=” font_color=’custom’ color=’#0a0a0a’]
DIRI sa syudad sang Iloilo may lima ka unibersidad ang nagatanyag sang kurso nga Mass Communications. Katuyuan sini nga makahanas sang mangin sampaton, hangkilan kag responsable nga nga mamantala.
Sa nakaligad nga dinikada, amat-amat na gid man nga na-professionalize ang trabaho sang media. Luwas lang sa iban nga maathag gid nga nag-angkorman lang bangud ginahimuslan ang kabastos sang iya baba kag ang iya pagkamal-edukado. Ini sya isa lang man ka pasi sa matarong nga pagwaragwag.
Ano gid bala ang ginatawag nga responsible reporting?
Sa simple nga paghangup lang sang ordinaryo nga tawo, ang responsible reporting amo ang “pagbalhag ukon pagwaragwag sang ano man nga impormasyon, insidente, hitabu, isyu, tawo, grupo kag iban pa nga nabase sa kamatuoran, patas, kag konsiderasyon sa balatyagon, kultura, kag iban pa.”
Kun basehan ang akun kaugalingon nga paghangop, mabudlay ini nga tumanon sang isa ka reporter ukon manunulat. Pero sa ti-on nga matuman ini sang isa ka reporter ukon manunulat, matawag sya nga responsible reporter.
Subong nga panahon, ang mga tagpalamati, tumalan-aw kag bumalasa masami nagasinggit sang responsible reporting. Masami ginaakusahan ang media sang biases sa pag-report. Bangud sini nagliso na sa social media ang iban nga tawo. Pero bisan ano man ka malapnagon ang social media, magapabilin sa gihapon ang media.
Indi malipod nga may mga media gid man nga nagaabusar sang ila poder. May iban nga ginagamit ang mikropono kag ballpen agud makapangwarta. Subong man madamo pa man sa gihapon ang reponsable nga media ilabi na ang ara sa mainstream.
Sining karon lang nagpahayag sang kasubo ang mga katapo sang media sa Iloilo bangud sang liwat nagtuhaw nga away sang duha ka radio stations. Nag-umpisa ini sa pagmitlang sang isa ka drug personality sang duha ka ginaalegar taga-Bombo nga ginahatagan niya sang payola kada semana kaupod sa iban pa nga.
Sang ulihi, ginkilala ang duha nga mga ex-Bombo anchormen na gale.
Subong lang nga semana, sa handum nga makabawi ang Bombo Radyo sa RMN Iloilo, ginpatihan sang mga personnel sang Bombo ang panaysayon sang isa ka Amerikano nga ginaalegar may problema sa personalidad. Gin-akusahan nila ang isa ka lady reporter sang RMN nga nagharvat (nangilkil).
Sang ulihi, natigayun nga mapamatud-an sang RMN Iloilo ang malisya sang katuyuan sang Bombo Radyo. Pamatuod sini ang makapila ka beses nga gin-edit sang Bombo ang ila post sa social media kag subong ang paghipos na nila. Sa kalangkag nga makabalos, nalipat sila mag-verify sang pagkatawo sang ila news source. Masubo kag nangin biktima ang isa ka babaye.
Ang mabudlay lang man abi sa media kay indi sila mag-ako sang kapaltahan. Pero sa sunod kuntani maghinguyang gid sang ti-on nga mausisa ang nagahatag sang impormasyon kag kuhaan sang bahin ang ginaakusahan.
Mangin responsable, mangin balanse!/PN
[/av_textblock]
[/av_one_full]
