[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Kontrobersyal nga Jaro Plaza’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Thursday, January 26, 2017
[/av_textblock]
[av_textblock size=” font_color=’custom’ color=’#0a0a0a’]
WALA PA man ako sa media, isa pa lamang ako ka ordinary nga tagpalamati sang radyo, nabatian ko na ang kontrobersiya sa Jaro Plaza kada pista ni Candelaria.
Nadumduman ko pa nga sang una nagahimakas gid ang mga tigulang nga magsimba kag magbakal sang kandia nga dalagko nga nabenditahan sa pista sang Jaro.
Samtang masako ang iban sa religious nga aspeto sang pista, masako man ang mga negosyante sang baligya sang ila mga produkto sa sulod kag gwa sang Jaro Plaza kun sa diin nahamtang ang Jaro Agro-Industrial and Charity Fair. Ini ang ginapangalan sa aktibidad agud may lusot legal ang nagapasarado sang plaza.
Pero pinasahe ang kaso sang Jaro Plaza. Kada tuig ginahatagan sang otoridad ni Mayor Jed Patrick Mabilog ang Liga ng mga Barangay (LNB), Jaro agud dumalahan ang Jaro Plaza. GInapahanugotan sila nga manukot sa mga kiosks kag sa entrance sang plaza sa mga maluyagon sa peryahan kag mga pagkaon kag balaklon sa sulod mismo sang plaza.
Sang tuig 2016, mainit ang isyu nga may nagapanukot sang tubtob sa tag P5,000 kada kiosk kag may nagapanukot man sa kuryente. Ini tanan nga ginabayran wala sang resibo. Gamit sang nagapanukot ang ngalan sang alkalde sang syudad.
Sa pagkamatuod ahaw nga P200 ang ginabayran sang mga ambulant vendors ukon bolantero sa syudad agud makabaligya sila sa sulod sang halos isa ka bulan tubtob sa matapos ang pista sa Pebrero 2. Nag-imbestigar ang konseho…damo nagsiling nga may binayranay nga wala resibo…
Ano na ang natabu sa mga kontrobersiya nga ato? Sang una is aka nagaapelyido Hablo ang ginatudlo nga nagakontrol sang presyo sang mga kiosk. Natapos lang ang imbestigasyon wala gid ang tawo sa city government. Ang iban nga mga manugbaligya nahadlok naman magreklamo kay base sa masunod nga tuig wala na sila sang mapwestohan.
Epektibo subong nga adlaw gin-abisohan na ang mga nagabaligya sa gwa sang kudal sang plaza nga mahalin na. Ini bangud nagasablag sila sa pedestrians kag salakyan. Apelar sang mga vendors hatagan sila sang pabor subong na lang nga tuig. Pero nanindugan ang syudad nga wala sang legal basis ang pagpwesto sa gwa kag pagbayad sang renta.
Kada pista na lang ni Candelaria, mas matunog pa ang kontrobersiya sang sa misa sa simbahan. Ngaa bala gusto gid sang Jaro ABC nga pabayaran ang entrance pasulod sa agri-fair? Ini bangud madamo sila sang ginahatagan sang bulig? Tuod bala ini? Pero pila bala ang ginakita sang Jaro Agro-Industrial and Charity Fair?
Sa matuod lang gin-utod ini nga naandan na ginahimo sang mga kapitan sa Jaro bangud sa malawig na nga poder nga ginahatag sa ila sang syudad, wala ginatuman sang asosasyon ang kaundan sang MOA kag ang ila pangako nga i-rehabilitate ang plaza matapos ang kahiwatan.
Indi mabatyagan kun bala nagatupa gid man ang ila bulig sa charity kag sa diin na ang dapat 30 percent sang ila income nga ibalik sa syudad?
Kun pahambalon ang mga kapitan ini tanan natuman. Pero ngaa indi makita kag mabatyagan?/PN
[/av_textblock]
[/av_one_full]
