[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Himakasi nga mangin matarong’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Thursday, February 2, 2017
[/av_textblock]
[av_textblock size=” font_color=’custom’ color=’#0a0a0a’]
MAY HULOBATON nga “si Perfecto lang ang perpekto.”
Buot silingon, ngalan lang ang perpekto kay tanan kita may kahinaan. Bisan si Kristo Hesus may kahinaan man.
Sa aton nga pagkabuhi nagahimakas kita pirme nga mangin perpekto sa atun tanan nga hilikuton. Sa aton sobra nga paghimakas mas nagakahulog pa kita sa kapaltahan.
Ang atun handum sang “perfection” amo man ang rason nga tuman sa aton ka kritikal kag pala-pakamalaut.
Subong sa administrasyon ni Presidente Rodrigo Duterte madamo kita sang nakita nga salawayun. Sa iya paghatag sang pabor sa masami sa mga ahente sang otoridad kaangay sang pulis kag military, madamo ang kakahasan nga nagakatabu. Paathag sang iya mga spokespersons, indi man ini perpekto nga administrasyon.
Sa liderato ni Philippine National Police chief Ronald “Bato” De La Rosa, madamo man sang nakita nga kapaltahan sa kapulisan. Pinakamalala subong amo ang tokhang for ransom nga nagbiktima sa isa ka Korean businessman. Paathag ni Bato, tawo lang, indi man perpekto.
Labi pa nga makalolooy sang pakamalaut si Maxine Medina ang tiglawas sang Pilipinas sa Miss Universe pageant. Madamo sang hikay sa iya kinaalam kag pangsabat sa palamangkutanon.
Kun mangita kita sang perpekto nga tawo, perpekto nga abyan, bana ukon asawa, indi ka sina makakita. Mas labi na gid ang perpekto nga administrasyon.
Ang atun dapat pangitaon indi perpekto kundi matarong nga tawo kag gobyerno. Matarong nga nagasunod sa kasuguan, kultura kag husto nga kinaandan. Siguro, kun perpekto ang aton ginapangita, kinahanglan ta nga mag-umpisa sa puno. Panason ang subong nga tawo sa kalibutan kag magdihon ang Ginoo sang bag-o nga tawo. Magdibuho sang bag-o nga imahen nga amo ang magausbong nga bag-o nga pumuluyo sining dutang pangkalibutan.
Mabudlay tudluan ang tigulang nga ido sang bag-o nga idea. Mabudlay buyokon ang tugason na nga kahoy. Ang pinakamaayo nga himuon na lang amo nga magbantay ang tanan.
Pero handa man maghatag sang panugyan nga makapaayo sa tanan. Indi lang kita pagpakamalaut kundi mangin tuburan man kita sang panugyan para sa pagpakamaayo sang aton sosyodad.
Indi na maghandum nga mangin perpekto. Himakasi na lang nga mangin matarong!/PN
[/av_textblock]
[/av_one_full]
