[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Break na sila’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Thursday, February 9, 2017
[/av_textblock]
[av_textblock size=” font_color=’custom’ color=’#0a0a0a’]
SADTONG panahon sang kampanya, hayag ang pagsuporta sang makiwala nga grupo kay then presidential candidate Davao City mayor Rodrigo Duterte. May mga higayun nga mismo si Duterte pa ang nagakadto sa kuta sang mga rebelde nga komunista agud kuhaon ang gin-kidnap nga katapo sang military ukon pulis. Maathag nga may pagrespeto sa tagsa-tagsa ang Communist Party of the Philippines – New People’s Army (CPP-NPA) kag si Duterte.
Sang nagdaug na sa pinili-ay ang mayor sang Davao, madamo sya sang mga kilala nga makiwala nga ginbutang sa iya gabenete. May mga pahayag pa gani si Duterte nga ihatag niya sa CPP ang liderato sang Department of Agrarian Reform (DAR) kag iban pa nga department sang gobyerno.
Nagpadulong sa The Netherlands ang Government Peace Panel sa pagpanguna ni chief negotiator kag Presidential Adviser on the Peace Process Jesus “Jess” Dureza agud makigsapol kay CPP founder Jose Ma. Sison nga on asylum. Ginladlad sang magtimbang nga bahin ang ila mga kondisyon. Kalakip na diri ang pagpagwa sang mga katapo sang CPP-NPA nga kabahin sang peace negotiating team nga priso bangud sa mga kaso kriminal, pagpagwa sang apat ka gatos nga mga political prisoners, pagbiya sang mga tropa sang gobyerno sa komunidad kag madamo pa. Nagdeklarar sang unilateral ceasefire ang gobyerno nga ginsundan man sang kaangay nga deklarasyon sang CPP-NPA.
Madamo sang mga demands nga indi masarangan nga ihatag sang gobyerno. Tubtob subong wala sa gihapon nahilway ang mga poilitical prisoners kag ara sa komunidad ang tropa sang militar. Sa pihak sang ceasefire may mga pag-atake kag engkwentro sa gihapon nga nagakatabu. Ini ang nagduso sa CPP-NPA nga tapuson ang ila unilateral ceasefire. Bilang sabat, ginbawi man ni President Duterte ang unilateral ceasefire sa rebelde nga grupo. Siling ni Duterte sa military maghanda kamo. Ginsiling pa sang President, wala sang plano ang CPP-NPA nga malambot ang kalinungan sa pungsod.
Ang pinakamasingki nga tinaga nga ginbuy-an sining karon lang ni Duterte amo ang pagtawag niya nga fugitive sa mga negosyador sang CPP-NPA nga una na ginpagwa para sa peace talks.
Sa sining mga hitabu, kaangay sang magnobya ang CPP-NPA kag si Duterte nga sang una may LQ lang, apang sang ulihi naglala na kag nagresulta na sa breakup.
Bangud sang break-up, diin ayhan magapadulong ang handum nga kalinungan sang pungsod? San-o pa ayhan matapos ang rebellion sang CPP nga gin-umpisahan nila sadtong pang Disyembre 26, 1968?
Pila na ka president ang naghandum sang peace talks.Tanan sila napaslawan. Pag-abot sang administrasyon ni Duterte nagalaum ang kadam-an nga malambot na ang ginahandum nga kalinungan bangud sang malapit nga relasyon ni Duterte sa makiwala nga grupo.
Sa pagkamatuod, pinakauna nga hitabu nga ginpasulod sa Malacañang ang mga rallyista agud makigsugilanon sa President sadtong tyempo sang State of the Nation Address ukon SONA. Pero ini nga paglaum nadula na.
Sin-o bala ang kulang sang katampad sa ginahambalan nga kalinong? Sin-o bala ang balasulon?
Break na sila. Paano na ang kalinungan nga ginahandum ta?/PN
[/av_textblock]
[/av_one_full]
