[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Valentine’s Day’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY RUNJI JAMOLO
[/av_heading]
[av_textblock size=” font_color=’custom’ color=’#0a0a0a’]
Monday, February 13, 2017
[/av_textblock]
[av_textblock size=” font_color=’custom’ color=’#0a0a0a’]
ROSAS, check. Tsokolate, check. Love notes, check. Valentine’s date, check na check!
Daw sa amo sini ang sa listahan sang young lovers samtang nagahilapit na ang adlaw nga Valentine. Pero kay buas na ina nga adlaw, nakompleto nyo na bala ang inyo mga kinahanglanon sa pagpa-impress sa inyo loved ones para mangin memorable ang Valentine’s Day celebration sini nga Martes?
Ang iban dira kon magpapilit pa sang ila mga listahan sa ila study table o computer monitor para indi malipat nga kompletuhon ang ila listahan, wagas. Daug pa ang pointers sang titser sa ila periodic exam.
Daw mas pa nga ginapasulabi ang Valentine checklist sang sa mga salauluhon sa adlaw sang eksaminasyon, bah! Amo na kay indi na uso sa imo ang Valentine’s Day, palahog nga sabat sa akon (nga kasubong bala nga ang “unromantic me” daw sa nalipasan na sang panahon).
Uso pa ang Valentine’s Day, haw? Indi bala kada bulan may “monthsary” man? Tapos, liwan pa gid ang Valentine’s Day ‘ya? Kamo mga young lovers, ha? “Over over” na gid na ya!
Mabudlay mahangpan sang mga tigulang o mga henerasyon antes sang karon nga mga “millennial”, ang monthsary. Ini ang ginpalip-ot nga tinaga nga “monthly anniversary.” Para sa mga young adults nga “in a relationship” ang tuigan nga pagsaulog daw sa tuman pa ka dugay. Para sa ila, labing mayo nga saulogon bulan-bulan ang ila pagsulod sa isa ka relasyon.
Hayyyy…ang gugma matuod sang mga pamatan-on… Gani kon pangayuan kita sang sobra sa ila seminal nga allowance para pang-budget sa Valentine’s date, hatagi na lang kon masarangan ihatag. Mas mayo ina nga nagaprangka sang sa magbinutig kag kon diin pa ang padulungan. But not until maseguro naton kon diin sila makadto. Indi gid man naton nga mga ginhikanan maseguro.
Labing maayo seguro kon ang lugar para sa Valentine’s date (ukon sa kinaandan nga date) himuon sa masanag kag matawo nga lugar para malayo sa sulay.
May mga accommodation nga table for two nga candle-lit dinner sa isa ka restaurant para sa young lovers nga maluyag nga private lang sa ila ang ina nga date. May mahinay nga tunog sang love songs nga mabatian upod sa iban pa man nga young couples nga magakompleto sang romantic ambience.
Bangud Valentine’s date ina kag indi ordinaryo nga adlaw nga boodlefight, may gamay mga nadihon na nga plano ang mga tagpatigayon sina sa mga restaurant nga imo pili. Siempre, fine dining. Complete with social graces ang kinahanglan. May ara nga dira nga sa otcho sientos pesos (P800) nga budget, may candlelight dinner para sa duha kag may long stemmed roses pa para sa nobya.
Importante nga hibal-on sang mga ginhikanan o guardian ang dates sang ila kabataan. Indi naton sila luyag nga magtupa sa kon diin-diin nga motels dira.
Bisan todo bantay ang city government, labi na ang Task Force on Moral Values, labing mayo nga kita una nga mga ginhikanan ang makahibalo kon diin ang ila pagakadtuan. Apang matuod, indi mabantayan sa tanan nga panahon sang syudad ang tanan nga kabataan.
Kinahanglan ipahangop sa kabataan ang ila limitasyon. Una ang pagsakdag sang ila edukasyon para mangin responsible nga hamtong. Samtang aton ginaugyunan ang ini’ng importante nga okasyon nga ginpasagsag sang commercialization, importante nga mapasikto naton sa kabataan ang paghalong sang ila palaabuton… nga indi dapat gub-on sa isa lang ka Valentine day.
May mga sayup nga pagpati abi nga para mapamatud-an nga palangga mo ang imo partner, kinahanglan pamatud-an paagi sa pag-consent sa pagpakighilawas. Kon may yara nga nagapamilit sina, labing mayo kon mas temprano utdon ang kaangtanan sa sina nga tawo. Bangud ang matuod-tuod nga paghigugma makahulat tubtub nga mangin hamtong kag handa ang tagsa sa pag-atubang sa mas level up na nga hangkat (kag indi ang magbugtaw na lang sa “teenage pregnancy” nga ginakakulbaan sang mga ginhikanan nga matabo sa ila kabataan).
Labay man akon, VALENTINE’S DAY ang tawag sina. Indi “valentime o valentines day (nga mahapos naton ginasunod bisan sala). Ina ang adlaw sa pagsaulog sang feast day ni St. Valentine. Ang tuigan nga selebrasyon kada Pebrero 14 sa pagkilala sa mga santo nga nagahingalan kanday Valentinus. Nangin commercialized na karon ang pasaulog bangud sang pagduso sadto sang Hallmark, ang kumboyahan nga nagahimo kag nagabaligya sang mga greeting cards kag ang Valentine’s card isa sa mga madahog nga ginabaligya.
Sa pamatyag ko lang, daw wala seguro kita sang kinamatarong nga magsaulog sang sini nga adlaw kon indi man lang naton mamitlang sang husto ang VALENTINE’S DAY.
May kinagula man sa sini nga adlaw o wala, may kahagugma ka man o nadulaan na, in a relationship man ukon complicated ang pagkahimtang, HAPPY VALENTINE sa tanan!/PN
[/av_textblock]
[/av_one_full]
