[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’3 ka balay sa Dingle naupos’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=’#0a0a0a’]
Friday, February 17, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Gintupok sang kalayo ang tatlo ka mga puloy-an sa Muyco St., Dingle, Iloilo kahapon sang kaagahon.
Lakip sa nagkalasunog amo ang mga balay nanday Ariel Paches nga amo ang ginhalinan sang sunog, Billy Paches kag Ernesto Danggaran. Ining tatlo ka mga balay nahamtang sa isa lang ka compound.
Base sa inisyal nga imbestigasyon ni Senior Fire Officer 3 Carlos Magbanua, hepe sang Dingle Fire Station, kalayo nga wala napatay sa kusina ang posible gintunaan sang sunog kag ginabanta nga P350,000 ang balor sang halit nga gintuga sang kalayo.
Samtang, nangin isyu naman ang hydrant sang Dingle Water District nga wala sang tubig gani wala sang nakuhaan ang nahubsan nga fire truck.
Pahayag ni Magbanua, nabudlayan sila magpalong sang kalayo bangod malayo pa ang ila ginkuhaan sang tubig sang nahubsan sila.
Ginpaathag naman ni Dingle-Pototan Water District Manager Engr. Rufino D. Becodo Jr. nga alas-cuatro sa aga tubtob alas-12 sa tungang gab-i ang ila pumping operation kabangdanan nga wala sang tubig ang fire hydrant sang magluntad ang sunog.
“Kon emergency sarang man makakuha sa Moroboro Pumping Station sa Lingcud, (Dingle) ang mga bombero. Baskug na da ang pressure, 3-5 minutes lang puno na ang fire truck,” paathag ni Becodo.
Dugang pa sini nga may generator set man sila nga naga-pump sang tubig tuhay sa alegasyon nga wala sila sang generator./PB
[/av_textblock]
[/av_one_full]
