[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MOTOR VS KAHOY: DRAYBER PATAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=’#0a0a0a’]
Monday, February 27, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Dead-on-arrival sa Dr. Ricardo Y. Ladrido Memorial District Hospital sa Lambunao, Iloilo ang drayber samtang pilason naman ang angkas sini nga minor de edad matapos magbunggo sa puno sang mahogany ang ginamaneho sini nga motorsiklo sa Brgy. Gines, Lambunao, Iloilo sang Sabado sang hapon.
Ginkilala ang napatay kay Ronnie Petes, legal ang edad kag residente sang Brgy. Lonoy, Calinog, Iloilo samtang ang angkas sini ginkilala lang kay Sharvie, 16, sang Brgy. Gines.
Ginpahayag ni PO3 Marvin Sison, imbestigador sang Lambunao PNP, nga nagkumpanyar sa lubong ang duha kon sa diin ang misa sa banwa sang Calinog samtang ang lubong sa patyo sang Lambunao. Nagapauli na ang duha sang na-aksidente.
“Nag-overtake sia sa ginasundan nga motor. Wala ya guro nakontrol ang manibela, naglapas sia sa dalan kag nagbunggo sa mahogany. Likuon abi ka tama da ang lugar,” kumpirmasyon ni Sison.
Wasak gid ang motorsiklo sang biktima bangod sang tuman ka baskug nga pagbunggo samtang sip-ak naman ang puno sang mahogany nga ginbunggoan sini.
Samtang ginasulat naman ini nga balita, ginabulong pa sa Western Visayas Medical Center sa syudad ang minor de edad./PB
[/av_textblock]
[/av_one_full]
