[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ngaa Iloilo?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Tuesday, February 28, 2017
[/av_textblock]
[av_textblock size=” font_color=’custom’ color=’#0a0a0a’]
NGAA Iloilo?
Ini ang masami nga ginapamangkot sang kadam-an kun magnegosyo ukon magbyahe ka sa Iloilo.
Matuod gid man, ngaa sa Iloilo ka manegosyo?
Kun ako ang negosyante diri ako sa Iloilo magnegosyo bangud:
Una, malinong ang lugar. Kun sa Mindanao ka makulbaan ka kay damo armed groups didto nga nagapangilkil. Diri sa Iloilo, malinong. Ang mga Ilonggo indi masibod estoryahon. Ang mga Ilonggo indi tikalon. Kun may kwarta ginagasto sa husto kag wala lang ginawaldas.
Ikaduha, ang Iloilo mahapos magkuha sang permits santo ina sa realidad nga nagakatabu sa City Hall.
Ikatatlo, indi man malubha ang trapiko. Nagareklamo kita nga matrapik pero sa tuod lang indi, kay ngaa, nagahulag ang salakyan. Ugaling salawayun lang ang mga drivers. Indi pa sila makakilala sang husto nga traffic signs kag maisog maglapas sang traffic laws.
Ikaapat, damo kag dagaya ang manpower sa Iloilo. Sa kadamuon sang kolehiyo kag unibersidad kag mga technical schools, nagaalalawas ang mga sampaton nga mamumugon sa Iloilo.
Ikalima, booming na ang syudad sang Iloilo. Kun magnegosyo ka man housing, pagkaon, fitness kag health facility, wala ka dapat kabalak-an. Masangkad ang merkado sang syudad sang Iloilo.
Kag labaw sa tanan, indi kilkil ang mga politiko. May mga isyu sa ila pero matarong sang diin-diin ang mga politiko sa Iloilo kun ipaanggid mo sa iban nga lugar.
Kun ikaw torista, ngaa Iloilo?
Una diri sa Iloilo makita ang mga maragtason nga istraktura. Mga dumaan nga puluy-an nga nagalaragway sang manggaranon nga maragtas sang Iloilo. Ang mga simbahan, matahum kag maragtason. Indi pa mabudlay nga bisitahan.
Ikaduha, ang Iloilo lugar sang manamit nga mga pagkaon. Gikan sa mga orihinal tubtob sa mga gina “innovate” nga mga pagkaon. Ang simple nga batchoy subong may bukochoy na. Ang simple nga siopao subong may bukopao na. Kag syempre indi malipatan ang manamit nga manokan kag seafoods restaurant sa Villa baybay.
Ikatatlo, ang mga Ilonggo maathag maghatag sang direksyon kun ikaw magtalang ukon indi makatoltol sang imo kaladtuan. Kag ang mga Ilonggo makahibalo kag makahangop sang Ingles.
Ikaapat, ang Iloilo jump-off points para sa mga matahum nga isla sang Guimaras, island hopping sa norte sang Iloilo, bantugon nga isla sang Boracay, malinong nag probinsya sang Antique kag seafoods capital nga probinsya sang Capiz.
Kag labaw sa tanan, ang Iloilo puluy-an sang bantog nga Dinagyang kada Enero sang tuig.
Sa pihak sini nga mga kalidad sang Iloilo, wala ini nakita sang iban, ilabi na sang nagapungko sa Malacañang subong. Bangud ginlampaso sila sa Iloilo, indi pa sila maka-move on. Padayun nga ginapulitika ang Iloilo apang padayun man nga nagahimakas agud tayuyon na ang pag-uswag.
Ang mga tawo nga nakakilala sang Iloilo padayun ang pagsalig kag pagpangapin sini gikan sa mga tawo nga gub-on ang imahen sang Iloilo bangud lamang sa politika.
Ngaa Iloilo?
Iloilo bangud kilala ko ang duog ko./PN
[/av_textblock]
[/av_one_full]
