[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ang estorya ni Nava kag Mabilog’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Thursday, March 2, 2017
[/av_textblock]
[av_textblock size=” font_color=’custom’ color=’#0a0a0a’]
SA MALAWIG ko na nga tuig nga pag-cover sang Iloilo City government, madamo naman ang akun nasumalang nga opisyal sang syudad. Partikular sa konseho kun sa diin ang debate sa mga isyu nagakatabu.
Tuig 2010, Hunyo una ako nga nagtapak sa city hall bilang beat reporter. Ang papel sang reporter amo nga mag-report sang tanan nga “newsworthy” nga hitabu kag isyu, maayo man ukon malain.
Isa sa mainit kag masakit sa dughan nga isyu nga natabu sa city hall amo ang Nava-Mabilog falling out. Sa akun nga paghangop, nagsugod lang ini sa isyu sang smart installations sa city hall. Nag-ugdaw ini matapos masugilanunan. Liwat nga nag-init ang isyu sa problema sa trapiko. Ang installation sang traffic lights sa Casa Plaza-Capitol area amo ang nangin tipping point sang isyu.
Madamo na ang nagsunod kaangay sang 3L towing services contract sa syudad para sa clamping kag towing tubtob nga naglala nga nagsulod na ang isyu sang ilegal nga droga nga indi kuna pag-isah-isahon pa.
Sining karong lang, may hinali nga pagbag-o sang tono sang mga pahayag ni Kagawad Plaridel Nava para kay Mayor Jed Patrick Mabilog.
Subong hinali nga nagkambyo ang lupok sang kanyon ni Kagawad Nava, ini nasentro na kay Cong. Jerry Treñas kag kay Sen. Franklin Drilon. Pero sa lokal nga senaryo mas tutok sila kay Treñas. Ini sa isyu sang ilegal nga droga. Kunsabagay matuod man ang obserbasyon ni Nava. May Odicta, Buang kag Bonjing na sa kalibutan sang ilegal nga droga sa syudad sang Iloilo antes pa man nangin alkalde si Mabilog. Ang isyu sang ilegal nga droga ara na sang alkalde pa si Treñas. Bisan gani ang ordinary nga tawo makapamangkot man, teh, ngaa si Mabilog lang ya ang ginahanot sang media, ngaa wala ya si Treñas haw? Nakita man sila gani nga upod sa lamesa sang gina alegal nga drug personalities? Matuod daw makapamangkot ka gid man…Ngaa?..Ngaa?Ngaa? Ngaa si Mabilog lang?
Maathag nga nagadumot gid si Digong kay Mabilog. Kun si Treñas gin-abi-abi sa PDP-Laban nga may kalangkag, ngaa amo naman sini ang kaakig nila kay Mabilog? Wala bala kamo matingala?
Ang pinakamasakit nga matabu sa isa ka pag-abyanay, kun ang ginasaligan mo amo pa ang nagabuno sa likod mo. Ini nabatyagan gid sang mga Gonzalez sang 2010 elections.
Hulamon ko ang tinaga ni Nava: “Ano may nagapakalain kay Mabilog sa kampo ni Digong?”
Hay ambot ay? Base indi lang gid man malipaton si Digong? Ukon base nagadihon na sang stratehiyo ang iban para sa 2019?
Ang 2019 elections lauman nga mangin masadya sa syudad. Si Nava nagsiling na nga si Kagawad Joshua Alim magapadalagan sa pagkaalkalde. Handa man sila nga makig-alyansa kay Mabilog kun matabu. Paathag ni Nava, mas lesser evil si Mabilog kontra kay Treñas.
Diin padulong ang hinali nga pagkambyo sang mga tinaga ni Nava para kay Mabilog? Ini bala alyansa sa politika lang ukon mas may madalum pa nga estorya?
Bantayan ang masunod nga episode!/PN
[/av_textblock]
[/av_one_full]
