[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Wala sang nagapang-kidnap sa Syudad sang Iloilo’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Thursday, March 2, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Indi matuod ang nag-viral sa Facebook nga may isa ka bata nga naga-eskwela sa sining syudad nga tuyo i-abduct ukon kidnapon sang armado nga mga persona.
Ginklaro ini ni Senior Inspector Shella Mae Sangrines, tagpamaba sang Iloilo City Police Office (ICPO).
Ini matapos nga ginpasekyar sang ICPO sa ila intelligence division ang impormasyon nga nakuha sa Facebook nga gin-upload sang wala ginhingalanan nga grupo.
Sunu kay Sangrines, negatibo ang impormasyon matapos nga wala man sang nagdangop sa Police Precinct 1 nga ginikanan para magpa-blotter.
“Gin-pass on na ini nga raw information sa intel division. Gin-subject for further validation and we thank God nga nag-turnout to be negative,” hambal pa ni Sangrines.
Apisar sini, wala nagahatag sang kumpiyansa ang ICPO nga indi matabo ang ini nga balita ilabi pa nga nakasentro ang atensyon sang mga pulis subong sa pagbantay sang seguridad sang mga delegado nga matambong sang ASEAN Summit diri nga masugod sa Marso 4.
“The information nga nag-viral very raw sa amon pero that is something nga kinanglan aksyonan man dayon kag ipa-check para indi makompromiso ang seguridad,” dugang ni Sangrines.
Para man sa iya mas maayo kon mag-alerto ang tanan ilabi na sa nagalapta nga impormasyon sa social media para nga ma-aksyonan gilayon./PB
[/av_textblock]
[/av_one_full]
