[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 patay, 3 pilason sa aksidente sa Cauayan’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=”]
Friday, March 10, 2017
[/av_textblock]
[av_textblock size=” font_color=” color=”]
Syudad sang BACOLOD – Patay ang duha ka tawo samtang tatlo ang pilason sang ginbunggoan ang ila traysikol sang de-pasahero nga dyep sa Purok 3, Barangay Man-uling, Cauayan, Negros Occidental pasado alas-10 sang Miyerkoles sang gab-i.
Ginkilala ni Chief Inspector Ruben Pajarito, hepe sang Cauayan PNP, ang mga biktima nga sanday Christine Jade Garcenila, 9, kag taga-Brgy. Goce, Ilog, kag Emmanuel Matula Sabo, 40, sang Purok 3, Brgy. Man-uling, Cauayan.
Ang mga pilason naman amo ang amay ni Christie Jade nga si Sherwin Garcenila, 37, kag iya mga utod nga sanday Judea Patricia, 12, kag John Martin, 8.
Sunu kay Pajarito, hubog ang drayber sang dyep nga si Efren Cuenca, 43, sang Sitio Tabuk Suba, Brgy. Poblacion, Cauayan, kag madasig magpadalagan sang nabunggoan sini ang traysikol nga mapauli naman kontani sa Brgy. Goce.
Ginhingagaw dala ang mga biktima sa malapit nga balay-bulolngan apang ang duha ginlawag ni Dra. Maricel Dida nga mga patay na antes pa makaabot didto.
Priso na subong si Cuenca sa custodial facility sang Cauayan PNP kag magapangatubang sang kaso nga reckless imprudence resulting to multiple homicide and physical injuries./PB
[/av_textblock]
[/av_one_full]
