[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ang mga kabataan subong’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
INSERT DATE HERE!
[/av_textblock]
[av_textblock size=” font_color=” color=”]
TANAN kita nakaagi sang kabataan. May sari-sari kita nga inagihan. May ara nga halandumon, may ara man nga luyag na nga kalipatan bangud sang kapait nga gintuga sa atun balatyagon.
Natawo kita sa nagkalainlain nga henerasyon. Pero indi gid malikawan nga mapaanggid ang nakaligad kag sa subong. Kun sa ambahanon pa…Lo mabuti pa kayo, kay Lola ikaw ang nauna. Ini nga bahin sang ambahanon may kamatuuran.
Kun akon isaysay ang kabataan sang akun henerasyon, tuman man ka tuhay sa henerasyon pulo ka tuig antes sa akun kag labaw nga tuhay sa henerasyon pulo ka tuig matapos sa akon. Pero masiling ko nga tuhay gid ang kabataan subong.
Ang mga kabataan subong nagbugtaw sa mahapos nga pagsinalayo. Gikan sa hilikuton sa balay tubtob sa eskwelahan kag kun makatapos na pati sa ulobrahan. Tuhay gid ang mga kabataan subong. Nabun-ag sila sa sosyodad nga madasig ang komunikasyon kag transportasyon. Pero mas makatalagam naman nga sitwasyon.
Ang mga kabataan subong indi lamang biktima sang krimen. Madamo pa sa ila, sila mismo ang nagahimo sang krimen. Halimbawa diri ang natabu nga paghimulos sang apat ka menor de edad sa is aka 11 anyos nga bata nga babaye sa Ajuy. Halos wala man lang sang reklamo ang biktima kag ngaa maisog maghimo sang kaangay nga krimen ang pulo ka tuig nga bata kag ang 14 kag 15 anyos nga upod nila?
Dugang pa diri ang natabu sa rumble sa Smallvile Complex nga may pulo ka suspek kag tatlo ka biktima. Sa pulo ka suspek isa na diri ang minor. Indi lamang ini ang mga nagkalatabu nga naulamid ang mga minors. Sa nakaligad nga mga binulan madamo man sang krimen nga minors ang may kahimuan.
Subong may hagna sa Kongreso nga luyag panubuan sa syam ka tuig ang edad sang bata nga may salabton kriminal sa korte. Tuman ka nubo. Ini nagapakita sang frustration sang mga mamalidha sa nagakatabu nga krimen nga kabataan ang suspek. Mabudlay na nga disiplinahon ang mga kabataan subong. Yes, may kabataan nga matarong pero may ara gid nga balingag ang paminsaron.
Ang mga kabataan subong mabudlay nga buyokon sa bagay nga indi nila gusto. Pero mahapos sa ila ang maghimo sang katuntuhan sa kalye kaupod ang barkada. Kaangay lamang nga mas may salig pa sila sa iban nga tawo sang sa ila ginikanan.
Siguro may kakulangan man ang mga ginikanan. Pero sigurado ako nga ini nga kakulangan indi hungod kundi nadala lang sang kasakuon sa paghimakas nga mabuhi ang pamilya. Indi man naton masiling nga sa imol nga pamilya ukon sa manggranon nga pamilya nagahalin ang mga masabad sa sosyodad. Ini bangud nga ang tagsa ka tawo may kaugalingon nga panulok sa mga bagay kag panindugan sa mga isyu.
Madamo sang mga kasuguan nga ginpasar agud mangin proteksyon sang mga kabataan. Apang ini nga kasuguan nangin taming pa sang mga ini sa paghimo sang katuntuhan.
Bilang isa ka ginikanan, mabatyagan naton ang kabalaka sa aton kabataan sa tagsa ka pagtunod sang adlaw nga wala pa sila sa aton balay.Nagakabalaka kita kay base ang atun anak mabiktima sang krimen sa atun sosyodad ilabi na nga bisan ang mga kabataan maisog naman nga magkumiter sang krimen.
Hay ang mga kabataan subong madulay gid nga ubayan bangud kakumpetensya gid ang gadgets, computer games kag bisan ila nga barkada.
Apang bilang isa ka ginikanan, tungdan lang ang papel nga pinakauna nga titser sang kabataan kun sa diin sa sulod sang balay nagasugod ang pagtubo sang maayo nga pagbinatasan nga madala sa paggwa sa puluy-an./PN
[/av_textblock]
[/av_one_full]
