[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’‘Accountability’ importante nga kwalipikasyon sang kandidato’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI WENCESLAO “MATT” E. MATEO JR.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Friday, March 16, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
KABAY pa nga indi na ma-postpone ang Synchronized Barangay, SK Elections nga gintalana sining ulihi sang Kongreso sa isa ka kasuguan kag ginpirma ni Presidente Duterte agud ipatuman na sa Mayo 14, 2018.
Sa matandaan ta pa, ang orihinal nga petsa agud hiwaton ining synchronized elections, ukon dungan nga eleksyon sang mga opisyales sang barangay kag sang Sangguniang Kabataan (SK), amo ang Oktubre 31, 2016.
Ginpa-postpone ugaling ini sa Oktubre 2017 paagi sa kasuguan nga ginpirmahan ni Presidente Duterte sadtong Oktubre 2, 2017 kag liwat ginpa-postpone sa sining Mayo 14, 2018.
Wala na kita sing duha-duha nga madayon na gid ining Synchronized Barangay, SK Elections sa Mayo 14, 2018 tungod suop na ini sa panahon agud i-postpone pa liwat.
In fact, madugay na nga gina paabot sang tanan ang sadto natala na nga synchronized elections sang Oktubre 31, 2016.
Sadto pa, gahawat-hawat na ang paginhawa sang madamo nga ma-islan na ang pila ka mga wala pulos nga mga opisyales sa barangay. Labi na gid ang mga matamad, wala sing namasngaan sa trabaho kag nagapa-pogi-pogi lang, ang corrupt, kag ang gayupyop ukon gatulak pa gani sang ilegal nga droga nga nangin kabangdanan sang paglain sang ulo sang madamo kag sang pagluntad sang makakilibang nga mga krimen sa palibot.
Ti, dira sa inyo lugar, nakapanghimbis na bala kamo sa kon sin-o ang aton botohon sa may handom da sa pagdalagan?
Ang botohon ta subong amo ang Punong Barangay (Barangay Captain) kag pitu ka myembro sang Sangguniang Barangay kag ang SK chairman lakip ang pitu man ka myembro sang SK nga ginlimitahan karon sa edad nga 15 tubtub 18 sa pag-abot sang adlaw sang eleksyon.
Ang Comelec nagtalana na gani sang Abril 14-20 para sa pag-file sang Certificates of Candidacy.
Ang kampanya natalana naman sa Mayo 4 tubtub Mayo 12. Gina-prohibir ang magkampanya sa Domingo, Mayo 13, isa ka adlaw bag-o ang eleksyon sa Mayo 14.
Ang election period, sunu sa Comelec Res. No. 10-26, masugod sa Abril 14 kag matapos sa Mayo 21. May gun ban sa sining panahon.
Ginadumili man sa election period ang pagligwat ukon pagtukod sang bag-o nga presinto; ang pagdala sang armas; paggamit sang mga bodyguard sang mga kandidato; pagsaylo sang mga opisyales kag empleyado sa idalom sang Civil Service; kag ang pagsuspendir sang bisan sin-o nga elective local officer.
Sa adlaw sang pagbotohay, ang mga presinto mabukas sa a las syete sang aga kag matakop sa a las tres sang hapon.
***
Sin-o gid bala ang botohon ta kag sa ano nga kwalipikasyon? Ang DILG kag ang NAMFREL, nga isa ka nongovernment election watch body, nagpahayag na gani sang ila suhestyon kon sin-o gid ang angay pagabotohon.
Sunu sa DILG, sa isa ka pahayag nasyonal, ang dapat ta botohon amo ang mga kandidato nga “Matino, Mahusay at Maasahan”, nga sa aton pulong nagatumod sa mga “Matarong, Maayo magtrabaho, kag Masaligan.”
Ang NAMFREL ga-requirer pa gani sa mga kandidato nga mag-sumite sang isa kapahina nga resume, ukon pahayag sang personal nga pahibalo sa publiko kon sin-o ukon ano sila.
Sorry, pero para sa akon malabo ining kwalipikasyon nga gina-suhestyon sang DILG sa kandidato. Mas mayo seguro tumoron gid ang specific nga luyag naton hibaluon halin sa iya.
Mas luyag ko ipanunyag ang kwalipkasyon nga “accountability” – kon ano gid ang iya ikasarang, kon ano gid ang matarong niya nga mahimo sa panghimanwa, ang indi niya pagahimuon, kon bala bukas kag handa niya atubangon ang mga reklamo kontra sa iya, kag kon bala may kaisug siya sa pag-atubang sa problema sa peace and order kag sumpungon ang problema sang ilegal nga droga sa iya barangay.
Indi ta kinahanglan nga botohon siya sa iya basta “common touch”, ukon popularidad kon wala siya sining sense of accountability.
Kon may kinahanglan kita sa mayo nga tawo apang wala siya ugaling sing ikasarang kag wala sing kaisug agud atubangon ang problema sang barangay, ina seguro agud pasalamatan lang siya nga indi siya problema sa barangay kag kilalahon ang kaalwan nga mabulig niya sa aton barangay. (w_mateojr@yahoo.com/PN)
[/av_textblock]
[/av_one_full]
