[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’AGI NGA NAGHIMULOS SA SOLTERITO, TIKLO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nadakpan na ang agi nga gina-alegar nag-abuso sa 14-anyos nga solterito rason nga napatay sa banwa sang Balasan, Iloilo sadtong kaagahon sang Septyimbre 1.
Ang suspek nga si Raden Gonzales, 40, residente sang Brgy. Esperanza, Pontevedra, Capiz, ang nadakpan sang kapulisan kahapon sang aga sa Barangay Calapdan, Estancia, Iloilo.
Sunu kay Chief Inspector Jonah Galicha, hepe sang Estancia PNP, may nagreklamo nga mga residente sang Brgy. Lumbia angut sa isa ka lalaki nga nagapanaka-naka sa ila lugar.
Gilayon man nga nagresponde ang mga pulis tubtob nga nadakpan ang lalaki nga sang ulihi nakilala kay Gonzales. Narekober sa paghinakop sini ang tatlo ka mga plastic sachets sang gina-alegar shabu kag .38 caliber revolver nga may bala.
Sa pagpangusisa dugang sang Estancia PNP, nadiskubrehan nga si Gonzales ang suspek sa paghimulos kay alyas Nonoy rason nga napatay.
Gin-aku man ni Gonzales nga nakagamit sia sang ilegal nga droga sang ginhimu ang krimen.
Pamatuod naman nga gin-abusohan ang biktima amo ang resulta sang autopsy examination nga ginhimu ni Dr. Owen Lebaquin, Medico Legal Officer sang Police Regional Office 6.
Sunu kay Lebaquin, buhi pa ang biktima sang ginpasudlan sang kahoy sang suspek ang alatrasan sini rason nga nagsulong ang dugo nga ginkabangdan sang iya kamatayon.
Nahibaluan pa nga nagdangat gid sa tina-e kag tiyan sang biktima ang ginsulod nga kahoy sang suspek nga may kadakuon nga 2.5 tubtob 3 ka pulgada kag nagalaba sang isa ka dangaw.
Matandaan nga nasapwan na lang sang iya mga barkada ang biktima nga wala na sang kabuhi sa talamnan matapos nga ginhagad sang suspek nga mag-gwa sa baylehan.
Samtang ginasulat ini nga balita, si Gonzales priso na sa karsel sang Balasan PNP para atubangon ang nakomiter nga krimen./PB
[/av_textblock]
[/av_one_full]
