[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Amay ginlabu ang anak sa Sipalay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Naakig ang amay sa sabat sang iya anak rason nga iya ini ginlabu mga alas-siete sa gab-i sang Domingo sa Purok Saging, Barangay Gil Montilla, Syudad sang Sipalay, Negros Occidental.
Ginkilala sang pulis ang biktima nga si Harold Husayan Palma, 34, soltero kag naga-istar man sa amo nga duog.
May igu ini sa duha ka kamot bangod sa iya pagpanagang kag paglikaw sa labu sang iya amay nga ginkilala kay Rustico Taguan Palma, 53.
Sunu pa sa imbestigasyon sang kapulisan nga naakig si Rustico bangod ginbayaan sang iya anak ang ila ulingan kay basi mag-abo ini bangod sang kalayo kon indi mabantayan.
Ginsabat pa sia sang iya anak nga indi sia paghilabtan sa iya obra kag nagpauli lang ini bangod sa kagutom.
Tungod sadto, naghambal ang amay nga, “Ah, maisog ka na?” kag gilayon sia nagkuha sang binangon kag ginlabu ang iya anak nga nagapanyapon sadto nga tion.
Bangod sang insidente, nagdalagan man ang asawa sang suspek nga iloy sang biktima agud magtambag.
Gilayon nga gindala si Harold sa Infirmary Clinic sang amo nga syudad samtang ang iya amay gindakop sang mga pulis./H
[/av_textblock]
[/av_one_full]
