[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Amay tuyo mangawat, babaye ginbunu-patay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Cyrus M. Garde
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 1, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang BACOLOD – Bangod wala sang makuhaan bulong para sa nagamasakit nga anak, nagtuyo mangawat ang amay sa isa ka balay sa Purok 6, Barangay Granada diri mga alas-sais sa aga kahapon.
Ang suspek ginkilala ni Chief Inspector Sherlock Gabana, hepe sang Police Station 5, nga si Saldy Sevilla, 27, nga nagapuyo upod ang iya live-in partner sa Hacienda Carmen, Brgy. Alanggilan, Syudad sang Bacolod.
Sunu kay Gabana mga ala-una sa kaagahon yara na sa gwa sang balay sang pamilya Fulo si Sevilla kag sang ulihi nakasulod ini kag nagpanago sa kasilyas nga nahamtang sa gwa sang balay. Naghulat sia kon sin-o nga tagbalay ang una maggwa kag plano sini nga magsulod gilayon sa balay.
Nagtinir ang suspek sa sulod sang kasilyas sa gwa sang balay kag ginahulat kon sin-o ang una magwa kag plano sini nga magsulod gilayon.
Apang ang nauna gwa amo si Nunistel Mae Fulo, 41, may bana, nga nagdiretso sa kasilyas agud kontani magpangihi apang nakibot sia sang makita ang suspek. Diri na kag ginbunu sia sang suspek sa diin nakaagom si Fulo sang 13 tanan ka mga igu sa lawas.
Sunu pa kaya Gabana nga sang nabatian sang timbang nga si Mary Grace Mupada, 33, nga may naglinagabong, nagkadto sia sa kasilyas apang ginsugata man sia sang handos sang suspek kag naigu sia sa tiyan. Pero nakadalagan pa sia sa gwa kag nagsinggit sang tabang.
Gilayon naman nga nalagyo ang suspek pero sa bulig sang mga pumuluyo, nadakpan ang suspek sa ila balay kag priso na subong sa karsel sang Police Station 5./PB
[/av_textblock]
[/av_one_full]
