[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Anay kapitan nakuhaan P8-M shabu’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Monday, February 27, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Balor P8 milyon ang gina-alegar shabu nga nakumpiskar sa anay kapitan nga ginakabig No. 1 high-value target sa probinsya sang Iloilo sang Philippine Drug Enforcement Agency (PDEA) 6.
Bitbit ang search warrant nga gin-isyu ni Judge Vicente Go sang Branch 68 sang Regional Trial Court sa pagbayolar sang RA 9165 ukon Comprehensive Dangerous Drugs Act of 2002, nagpadulong ang puersa sang PDEA-6 takna alas-sais sang aga sang Sabado sa balay sang suspek nga si Ramon Platon, 50.
Nagmadinalag-on ang operasyon matapos nga nakarekober ang raiding team sang isa ka kilo sang ginapasuni shabu nga ginabanta may street value nga P8 milyon, drug paraphernalia, mga bala sang M16 armalite, kag isa ka kalibre .45.
Sunu sa report, gintuyo pa nga ihaboy sang suspek ang foil pack nga may pangalan nga “Refined Chinese Tea” sa bintana sang ila balay sang namutikan sini nga nag-abot ang mga otoridad pero nadakpan man ini.
Antes ang operasyon, ginhambal ni deputy regional director Levi Ortiz sang PDEA-6 nga madugay na nila nga gina-monitor ang hulag ni Platon pero subong lang gid natiempohan.
Nag-gwa man sa report nga nagaduso na sang ilegal nga droga si Platon sang nagapungko pa lang ini nga barangay kapitan sa Brgy. Intaluan, Pototan.
Sunu pa kay Ortiz nga nagakuha ang suspek sadto sang suplay sang ilegal nga droga sa ginhingadlan sang PDEA-6 nga mga drug lords nga sanday Melvin Odicta Sr. sang Brgy. Tanza Esperanza, City Proper kag Richard “Buang” Prevendido sang Brgy. Bakhaw, Mandurriao.
Daku man ang posibilidad nga nagakuha ini sang suplay sang shabu sa Cebu bangod nga magka-anggid ang packing sang ginapasuni shabu sini sa nakumpiskar sa drug raid sa Cebu sang damlag lang, dugang pa ni Ortiz.
Luwas nga nadalahig sa ilegal nga droga, si Platon ginadudahan man nga miembro sang kidnapping, gun-for hire kag may kaso nga double murder sa Barotac Nuevo, Iloilo sadtong 2016.
Pero ining alegasyon sang PDEA-6 lunsay ginpanginwala ni Platon.
Sa interbyu sang mga katapo sang media, ginhambal sini nga inosente kag wala gid sia naga-intra sa ilegal nga aktibidad.
Dugang pa niya nga wala sia sang ihibalo nga ginakabig na sia sang PDEA-6 nga No. 1 sa listahan sang high-value targets sang nagaduso sang ilegal nga droga probinsya./PB
[/av_textblock]
[/av_one_full]
