[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Babaye ako’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY RUNJI R. JAMOLO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Monday, March 5, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
NABUN-AG ako nga babaye. Kon nabun-ag ako nga lalaki, mangin mas malipayon ayhan ako?
Wala ako nagahinulsol nga ginbun-ag ako nga isa ka babaye apang nag-abot lang sa pamensaron ko ini bangud sang mga pagdumili o limitasyon sa mga babaye kon ipaanggid sa mga lalaki, labi na sang akon adulating years.
Sadtong sa grade school pa ako, may classmate ako nga lalaki nga nagasunlog sa akon nga tomboy. Ulihi ko na lang nahangpan nga pang-bully na gale ato. Indi ako makit-an sang pagkahinhin katulad sang kinaandan nga mga babaye. Sagad ako sa mga hampang nga nagakinahanglan sang physical strength. Ano abi kay sang elementary years namon sadto, wala man sang madamo pa nga pagapilian sa hampang. May mga bes nga mga lalaki lang ang nagahampang sang lagsanay upod man sa classmates namon nga mga lalaki. Apang kon may mga kahigayunan nga mix (babaye kag lalaki) ang players, masami ako ginakuha nga partner sang mga playmates nga lalaki. Masaligan ako sa dalaganay bisan malip-ot lang ang akon mga batiis. Magluwas sa tubiganay, uso sadto hampang nga sikyu sa eskuelahan.
Jumping rope. Jumping hand. Mataas man ako maglumpat kag sagad man maghampang piko nga kinahanglan sadto magliad tandog sang imo ulo ang duta sa pagkuha sang butanwan para makabalay.
Daw wala man seguro ako sang choice kundi mangin “physical” kay amo man lang sina ang sa masami group games nga maentrahan.
Kis-a ka bes man lang ako nabaklan sang munyika (nga amo sadtong apat o lima ka tuig pa lang ako) kag wala na nadasnan nga nabaklan pa.
Gani kon luyag mo nga mangin “in” o madali mapilian sa pikpikanay sa pagsulod sa team games, kinahanglan nga maabtik ka maghulag.
Wala man ako sang pili sa mga team mates ko. Babaye man o lalaki. Agi man o tomboy. Basta masadya ang hampang, wala naman sa akon sang damo pa problema.
Sang nagdinalaga na ako, nagahakot pa ako sang tubi sa public faucet. Duha ka balde sa magtimbang nga kamot, masarangan ko hakwaton makahakut lang sang tubig nga matag-adlaw gamiton sang pamilya. Hambal gani sang katubotubo ko, matig-a kuno ang akon maskulo (muscle) nga daw iya sang lalaki. Ikaw abi nga nagahakot sang tubig sa community faucet sa distancia nga may sien metros (100 meters) ang kalayuon agud pun-on ang isa ka dako nga drum sang tubig. Adlaw-adlaw ina nga routine. (Indi pareho subong nga mapatubod ka na lang sang tubi sa gripo para sa kinahanglanon nga pagluto, pagpaligo o paglaba).
Nakapamis-ak man ako sang kahoy. Kon ikaw ang gintugyanan nga magluto sang matag-adlaw nga kalan-on, ang pamis-ak sang kahoy nga inuggatong dala na sa obligasyon.
Nanambong lang sa isip ko nga kon luyag mo nga mangin competent sa imo mga ulubrahon, hisayron mo gid ang skills agud mangin sampaton. Mahimo mo ang imo mga tulumanon kon bug-os ang imo dughan kag utok sa task at hand. Wala sing pang-alang-alang. Wala sing pangduhaduha. Pero wala man ako nagapakatig-a…kon kinahanglan ko nga liwaton ang akon panan-awon, kinamatarong ko man nga liwaton ang akon pamensaron bisan nakahimo na ako sang damlag nga decision.
Babaye ako. Ginapabugal ko nga babaye ako upod sa pagbaton ko sang akon kapinasahi. Wala ako nagapaindis-indis sa iban. Nagasaludo ako sa tanan nga mga babaye nga nagpakita sang ila kaisog kag kapag-on mapursige lamang ang halangdon nga tinutuyo para sa pamilya, para sa banwa.
Labaw sa tanan, nagadayaw sa mga lalaki nga nagakilala nga ang babaye katuwang kag indi dapat abusuhan. (runjirjamolo@gmail.com/PN)
[/av_textblock]
[/av_one_full]
