[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Wala klase subong sa Syudad sang Iloilo’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Monday, February 27, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Bangod sang lapnagon nga transport strike subong nga adlaw sa bug-os nga Pilipinas, gin-anunsyo ni Iloilo City Mayor Jed Patrick Mabilog kahapon nga suspendido ang klase sa tanan nga level sang pangpubliko kag pribado nga eskwelahan sa syudad subong.
Kadungan sang pagsinapol ni Mabilog kanday Vice Mayor Joe Espinosa III kag City Administrator Atty. Hernando Galvez tuhoy sa transport strike kag sa ila konsultasyon kay Schools Division Superintendent Claire Zamora kag impormasyon halin kay Provincial Administrator Dr. Raul Bañas nga 15 ka mga public transport halin sa probinsya ang maupod sa strike, nagdesisyon ang alkalde nga suspendiron ang klase.
Pero bisan wala nag-anunsyo ang alkalde, una na nga nagkanselar sang klase ang pila ka mga kolehiyo kag unibersidad sa syudad.
Lakip sa una nga nagkanselar sang klase amo ang Iloilo Science and Technology University (ISAT-U) pati na ang ila mga external campuses, West Visayas State University sa La Paz, Ateneo De Iloilo, Asian College of Aeronautics, St. Therese-MTC College, kag University of San Agustin-Main lakip na ang ila Sambag campus.
Sunu kay Dr. Raul Muyong, presidente sang ISAT-U, sa mga katapo sang media nga kanselado ang ila klase kag makapaayo kon magpabilin na lang sa ila mga balay ang mga estudyante kon wala sang importante nga transaksyon para indi na mahul-an.
Pero kon suspendido ang klase, baliskad naman ang matabo sa mga naga-opisina sa kapitolyo kag Iloilo City Hall bangod nga may obra sila.
Samtang, may ginhimu nga transport strike contingency plan ang kapitolyo para indi lubos nga maapektohan ang mga taga-probinsya.
Una diri amo nga nakig-angut sila sa tanan nga mga alkalde paagi kay LMP President Mayor Jett Rojas nga dapat may yara sang local contingency plans ang mga banwa.
Nag-isyu man ang kapitolyo sang direktiba nga dapat may naka-standby nga mga salakyan sa kapitolyo para ingkaso nga may magpangayo sang bulig, may ipadala sila.
Sa bahin sang Iloilo City Hall, nadesisyonan nila nga magpadala sang salakyan sa Mohon Terminal, Tagbac Terminal, Calumpang (Breakthrough area), Hibao-an Terminal, Baldoza Terminal, kag Bo. Obrero.
Nagpadala man sila sang sulat kay Chief Supt. Jose Gentiles sang Police Regional Office 6 para sa dugang nga mga salakyan nga maga-augment sa ma-stranded nga mga pasahero.
Mapalibot man sila sang mga fire trucks kag ambulansya kag full force nga ipalapta sa dalan ang mga miembro sang Transportation Management and Traffic Regulation Office.
Ining tikang sang probinsya kag syudad kasunod man sang deklarasyon sang Pinagkaisang Samahan ng mga Tsuper at Operators Nationwide (Piston) Panay nga 90 por siento sang mga transport groups sa Panay ang mabuylog sa transport strike subong.
Sunu kay Edgar Salarda, tsirman sang Piston Panay, kalabanan sang mga transport groups sa Panay ang maupod sa strike para ipakita ang ila disgusto ukon pagkontra sa plano nga pag-phase-out sang 15-anyos pataas nga edad sang de-pasahero nga mga salakyan.
Lakip sa mapasakop sa transport strike amo ang Iloilo City Loop Alliance of Jeepney Operators and Drivers Association, Confederation of Iloilo Provincial Jeepney Operators and Drivers Association, Hugpong Capiz, kag Federation of Aklan Integrated Public Transport, Inc. Aklan.
Pero ang mga grupo sang Iloilo City Alliance of Drivers Association kag Iloilo City Alliance of Jeepney Operators and Drivers Association ang naman ang indi magpasakop.
Kag normal naman ang biyahe sang mga bus sang Vallacar Transit./PB
[/av_textblock]
[/av_one_full]
