[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’BUS VS TRAK: 1 PATAY, 13 PILASON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BCOLOD – Isa aang patay samtang 13 ang nakaagom sang minor nga kapilasan sang nagbunggo-anay ang Ceres bus kag 10-wheeler flat-nose nga cargo truck sa gina-obra nga dalan sa Barangay Tabao Proper, Valladolid, Negros Occidental sang Lunes sang gab-i.
Sunu sa imbestigador nga si PO3 Joelito Oebanda, ang napatay amo ang drayber sang trak nga nagakarga sang backhoe gikan sa Syudad sang Kabankalan nga ginkilala kay Bernabe Dalmacio Figueroa, 26, kag residente sang Brgy. Sag-ang, La Castellana.
Ang duha naman ka upod sini nga tripulante nga sanday Dominador Labrador kag Ryan Indad maswerte nga wala napilasan.
Samtang ang 13 naman ka mga pilason lunsay mga pasahero sang bus lakip na ang konduktor.
Sunu sa report, nagtuyo nga maglikaw ang drayber sang bus nga si Romeo Daguio sa gina-obra nga dalan kag sa nagatumpok nga mga balas kag bato sa higad sang dalan rason nga nagsag-id ini sa trak.
Bangod sini, na-igu kag naipit gid si Figueroa sa iya ginapungko-an. Gindli-dali pa sia dala sa Valladolid District Hospital apang ginlawag nga dead-on-arrival.
Ang iban nga mga nagkalapilasan gindala man sa amo nga balay-bulolngan apang gilayon man nga ginliton sa Corazon Locsin Montelibano Memorial Regional Hospital sa sining syudad.
Sandig naman sa rekord sang pulis sini nga semana, ini na ang ika-lima nga aksidente sa dalan kon sa diin ang una nga apat mga aksidente sa motorsiklo./H
[/av_textblock]
[/av_one_full]
