[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Con-Con, indi Con-Ass’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 20, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
WALA kita sing duha-duha sang daku nga rolyo (role) sang mga daynastiya (dynasty) sa pulitika agud pasigehon ang ila gahum sa gobyerno, padayon nga pag-ugwad sang ila manggad, kag sige gihapon nga pagluntad sang ila poder bisan sa sosyedad.
Samtang, ang mayoriya sang mga pumuluyo daw tawo-tawo lang nga butong-sulong sa kon ano ang ila luyag. Masubo ini tungod samtang ginahambal nila nga ang pumuluyo ang gamhanan sa sosyedad, sila lang gali nga pamilya ang padayon nga nagagahum kag nagaayuhan.
Para sa akon, amo gid ini – ang daynastiya – ang pinakadaku nga rason kon ngaa indi ako sugot sa constituent assembly (con-ass) nga ginatulod subong sang kamara (House of Representatives) agud ligwaton naman ang Konstitusyon tungod sa subong nga panghangkat sa aton kabuhi diri sa aton pungsod.
Sa karon kag sadto pa, ang aton gobyerno ginagamhan gihapon sang mga pamilya nga padayon nga naga-uyat sang renda sang pagginahum sa pungsod. Mga 70 ka porsyento ini sa Kongreso, siling gani sang isa ka senador, lakip man ang sobra kadamo nga mga meyor sa lokal nga gobyerno.
Ti, paano naton ini sila masaligan nga magtukod sang bag-o nga Konstitusyon nga indi paga-diktahan nila sa con-ass pabor sa ila kaayuhan kag sang ila mga cronies?
Naham-ot gani kita sa ginsiling sang isa ka congressman, nga ang ila pamilya todo poderoso sa ila lugar, nga wala kuno importanta kon bisan con-ass ang magbag-o sang Konstitusyon tungod ang pumuluyo man ang ma-aprubar.
Sus, Ginuo! Ano na ya, sila ang matukod sang draft constitution kag ma-aprub lang ang mga pumuluyo. Ti kundi ila man gihapon luyag ining tukuron nga Konstitusyon!
Ang luyag ta amo ang constitutional convention (con-con) sa diin ma-elejer ang mga pumuluyo sang mga delegado nga sa aton panghuna-huna amo gid ang magadala sang matuod nga kaayuhan sang tanan, kag indi lang sang pila ka gamhanan nga wala man sing mapasalig kundi ang padayon nga pag-antos sang mga pumuluyo sa madugay na nga panahon.
Sa sina, ang mga pumuluyo mismo ang magadihon kag mag-aprubar sang sining bag-o nga Konstitusyon.
Segurado naton, nga wala sing katiting nga pangduha-duha, nga kon ang bag-o nga Konstitusyon himo sang mga poderoso nga pamilya nga nagagahum sa aton, paagi sang con-ass, nada lang ang aton handom sa lapnagon nga kaayuhan sang mga pumuluyo.
Ang Con-Ass aswang ina ya nga magakaon sang atay kag iban pa nga kasudlan sang aton paglaum sa pag-ugwad!/PB
[/av_textblock]
[/av_one_full]
