[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Crime volume sa syudad nagnubo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginkalipay sang Iloilo City Police (ICPO) nga nagnubo ang crime volume sang syudad humalin sang Enero tubtob Disyembre 25 sini nga tuig.
Sa datus nga ginpagwa ni Senior Insp. Shella Mae Sangrines, tagpamaba sang ICPO, halin sa 12,252 sang 2016, nagpanaog ini sa 9,783 subong nga 2017 ukon nagnubo sang 20.10 por ciento ang crime volume.
“Nagnubo ang crime volume naton. Manami ni sia nga indicator. We will also evaluate kon pila ang crime, diin ang nagataas kag nagnubo, diin sina nag-contribute sa kabilogan sang crime volume,” dugang ni Sangrines.
Partikular nga gintumod sini nga nagnubo amo ang kaso sang physical injuries kag focus crimes.
Matandaan nga ginpatutokan sang ICPO ang focus crimes subong nga tuig kon sa diin nalakip diri ang murder, homicide, robbery, carnapping, motornapping, kag iban pa nga sahi sang krimen nga nagakatabu sa syudad.
Ang isa naman ka rason nga ginatan-aw sang ICPO sa pagnubo sang focus crimes amo ang pagpahamtang sang mga pulis sa mga lugar nga masami ginadagsa sang mga tawo kaangay sang Smallville Complex sa distrito sang Mandurriao.
“Sa focus crime, diri ang tutok naton. Ini ang ginabasehan sang deployment ukon beat personnel, kapulisan. Dira gin-adjust kon diin i-assign sila para mangin visible kag mas kinahanglan sila base sa crime occurrence,” dugang ni Sangrines.
Kag sang Martes sang gab-i daku ang pasalamat sang ICPO nga wala sang narekord nga focus crime ang anum ka mga istasyon sang pulis sa syudad kag nagalaum sila nga magpadayun ini tubtob 2018./PB
[/av_textblock]
[/av_one_full]