[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Curfew for minors istriktuhon sang ICPO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 13, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Istrikto nga ipatuman sang Iloilo City Police Office (ICPO) ang curfew for minors subong nga panahon sang Dinagyang Festival.
Katuyoan sini nga maprotektahan kag mapahilayo sa gamo ukon inaway ang mga minor de edad ukon estudyante sang participating tribes sa 2018 Dinagyang Festival nga nagapraktis sang blocking sa ila mga eskwelahan ukon sa Freedom Granstand.
Sunu kay Senior Inspector Shella Mae Sangrines, hepe sang Women and Children’s Protection Desk kag tagpamaba sang ICPO, indi nila pagsuspendiron ang curfew for minors ilabi na sa highlight sang Dinagyang sa Enero 27 tubtob 28 para masiguro nga wala sang gamo nga matabu nga ginadalahigan sang mga minor.
Ginsugoran man ni Sangrines ang pakig-angut sa intelligence unit sang ICPO para hinyuon nga buligan sila sa pag-monitor sa mga aktibidad sang pila ka mga grupo. Luwas pa ini sa panugyan ni Sangrines sa mga eskwelahan nga nagapasakop sa Dinagyang Festival nga likawan ang pagpraktis sang blocking sa Freedom Grandstand nga lapaw sa alas-10 sa gab-i, oras sang pagsugod sang curfew, bangod nga pila ka mga estudyante ang wala sang guardian kag mahimu nga ma-aresto kon masiplatan sang mga pulis nga isahanon nga nagalakat sa dalanon.
“Nag-tap na kita sa mga eskwelahan nga dapat sila ang responsanle sa pag-advice sa mga bata nga kon 10 ang curfew, dapat earlier than 10 p.m., buy-an na nila ang mga bata. May iban daan nga wala sang guardian,” hambal ni Sangrines.
Naggwa man sa report sang ICPO nga subong nga semana pila na ka mga insidente nga ginadalahigan sang mga minor de edad ang ila narekord lakip na ang pag-aresto sa apat ka mga minor sa Jaro nga ginapasuni nagpanghurikap.
Magluwas man sa pagbantay sa mga minor, bantayan man sang ICPO ang mga persona nga naka-inom tion sang highlight sang Dinagyang para indi makatuga sang gamo./PB
[/av_textblock]
[/av_one_full]