[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Dean sang kolehiyo sa Cadiz na-aksidente’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Monday, February 27, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Maswerte nga mga pilas lang ang naagom sang dean sang isa ka kolehiyo sa Syudad sang Cadiz, Negros Occidental, iya anak kag drayber sang makabunggo ang ila salakyan sa naga-parking nga crane sa Hacienda Bariw, Barangay Teresa, Manapla mga alas-7:30 sang Sabado sang gab-i.
Ginkilala ang mga napilasan nga sanday Catherine Desuyo Orcena, 52; iya anak nga si Kristine Joy Desuyo Orcena, 18, kag iya bayaw nga si Noel Orcena, 63, nga amo ang nagamaneho sang awto nga Toyota Vios.
Gilayon man sila nga gindala sa Ikaayong Lawas Foundation Hospital sa Syudad sang Victorias apang ginliton gilayon sa isa ka pribado nga ospital sa Syudad sang Bacolod.
Sunu sa Manapla PNP, halin sa Bacolod ang mga biktima kag mapauli na sa Syudad sang Cadiz sang makabunggo sa na-aberiya nga crane.
Ang drayber sang crane amo naman si Allan Agiong sang Syudad sang Sagay kag ang tag-iya sini amo si Marciano Sy.
Ginatinguhaan pa karon nga aregluhon ang ini nga kaso sang magtimbang nga bahin./PB
[/av_textblock]
[/av_one_full]
