[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Defensor namaskwa sa IDJ ‘ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Sa Disyembre 25 pa ang Paskwa kag ika-75 nga kaadlawan sang gobernador sang probinsya sang Iloilo, pero mas ginpili sini nga saulogon sang temprano ang duha ka okasyon kaupod ang masobra 1,800 ka mga priso sa Iloilo District Jail (IDJ) sa Brgy. Nanga, Pototan, Iloilo.
Kahapon, ginselebrar ni Gob. Arthur Defensor Sr. ang iya kaadlawan sa IDJ nga ginsugoran sang misa kag ginsundan pagpanghatag regalo subong man libre nga pagkaon sa mga priso.
Sunu kay jail warden Senior Inspector Abner Zamora, ang tuigan nga pagselebrar sang gobernador sang iya kaadlawan sa IDJ ginabantayan gid sang mga priso kag nagapasalamat sila sa pagdumdom sang amay sang probinsya sa mga priso.
Sa pihak nga bahin, gin-anunsyo ni Defensor ang kahanda sa pagdonar sang iban nga porsyon sang lote sa Brgy. Nanga para tukoran sang rehabilitation center sang Department of Health (DOH).
Siling niya nga handa ang probinsya magbulig sa DOH kag sa mga priso para mahatagan sila sang tsansa sa pagbag-o paagi sa pagpa-idalom sa rehabilitasyon.
“Handa ako kon kinanglan sang DOH sang patindugan sang rehabilitation center para sa mga biktima sang ilegal nga droga. Silingon ya lang ako insigida kay ma-donar ang probinsya para sa rehab building,” pasalig sang gobernador.
Nagpanugyan man dayon ang gobernador sa mga priso sang IDJ nga indi mawad-an sang paglaum nga makagwa sa prisohan basta magdangop lamang sila sa Mahal nga Makaako.
“Importante magbalik gid kamo sa Mahal nga Makaako. Magtuon kamo magpangamuyo, magtuon kamo magbalik sa Iya para mas madasig ang inyo pagbag-o sang inyo pangabuhi. Sa gwa sang IDJ may paglaum pa kamo kag makakita sang masanag nga bwas damlag,” sunu kay Defensor./PB
[/av_textblock]
[/av_one_full]
