[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Diskriminasyon sa ‘health care’ sang kubos’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 6, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
MALAYO pa ang lab-uton naton agud matigayon sing lubos ang “universal welfare,” ukon ang malapnagon nga pagsabat sa kinahanglanon sang aton mga pumuluyo, at least sang mga “basic,” ukon tig-una lang nga kinahanglanonsa pagkaon, ikaayong lawas, edukasyon, trabaho, enerhiya, kag iban pa.
Samtang indi pa naton masabat ang ining kinahanglanon sang tanan,syempre magapadayon gihapon ang diskriminasyon.
Sa gihapon, madamo pa sang aton mga utod ang ginagutman; kulang sa kalan-on kay indi suficiente ang aton produksyon; kon may kuhaan man, indi man makalab-ut sa merkado ang mga produkto tungod wala sing nagakaigu nga dalanon kag salakyan.
Indi man makalab-ut sa mataas nga kinaalam ang aton mga kabataan tungod sang kinawala;yara man ang kakulangan sang eskwelahan, infrastructura kag kakulangan nga mga gamit sa pagtuon;wala sing trabaho tungod sa kakulangan sang oportunidad; wala sing iwag sang kasanag sa ila palibut kag mga puluy-an; alang-alangman ang pagtatap sa mga masakiton tungod sa kakulangan sang infrastructura, kagamitan kag mga bulong nga masarangan kon indi gid man libre, sang mga kubos; ang wala kalinong tungod sa kapigaduhon sa madamo nga bahin sang aton pungsod nga nagapakunol sang aton pag-ugwad; kag iban pa.
-0-0-0-
In fact, sang sini lang, na-eksperyensyahan naton ang ini nga klase sang diskriminasyon sa pagtatap sa mga masakiton sang aton mga kubos.
Madamo matuod ang nagreklamo sa Iloilo City District Health Center sa Mandurriao tungod sang kakulangon sang bulong diri sugod sadtong Disyembre 2017 pa tubtob sa sining Enero 2018.
Maathag ini nga diskriminasyon batok sa aton mga kubos nga nagakinahanglan sang libre nga bulong sang gobyerno, kay kon manggaran gani ang may kinahanglan sang bulong madali sila makakuha sini. Ina tungod makuha nila ini paagi sa pagbakal sa botika tungod sang ila ikasarang.
Madamo man nga mga bulong ang wala sa health center nga indi mahatag sa nagapangayo kay wala gid man ini ginahatag sa ila.
Ang rason: mahal ini nga mga bulong nga indi luyag gastuhan sang gobyerno. Ang siste sini amo kay samtang luyag ta buligan (kuno) ang pigado sa ila kinahanglan nga mga bulong, sila pa ang pabaklon sang gobyerno. Kag tungod indi na sila makasarang magbakal sini, masaylo na gid lang ang madamo sa mga quack doctor. Daw indi amo, haw!
Kon may ikasarang man magbakal sining mahal nga bulong, sa utay-utay lang niya seguro baklon, ukon indi na gid. Kag sa lugar nga baklon ang tanan, ang pila lang ka bilug kay amo lang ina ang iya masarangan baklon.
May kilala gani kita nga sa lugar mabakal sang 30 ka capsula sang anti-bacterial nga bulong nga iya dapat gamiton 3 ka beses kada adlaw para sa impeksyon, para sa tatlo ka adlaw na lang ang iya ginbakal, kag nagsiling: “Puede na man ini guro , a…”
Ambot lang kon nag-ayo gid man siya sunu sa iya lang kaya baklon kag tomaron. Suspetso naton ugaling nga wala nag-ayu ang iya ginabatyag kag nagbalik kon nag-ayu-ayo gid man.
Samtang ang mga may sarang pagusto bakal sang ila bulong sunu sa lubos gid nga panugyan sang doktor.
Ngaa ayhan, despite sa pahambog sang gobyerno sa ila “universal health care,” ang manggaranon lang gihapon ang matatapan sing husto?/PB
[/av_textblock]
[/av_one_full]
