[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Drayber gintiro-patay sa Sipalay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Cyrus M. Garde
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang BACOLOD – Patay ang drayber sang bolantero sang gintiro sang tatlo tanan ka armado nga mga tawo samtang nagapungko ini sa traysikol mga alas-8:40 sa aga sang Martes sa Sitio Cambogui-ot sakop sang Brgy. Camindangan, Syudad sang Sipalay, Negros Occidental.
Ginkilala ni Chief Inspector Romeo Vargas, hepe sang Sipalay City PNP, ang biktima nga si Jonel Villarosa, 37, may asawa kag naga-istar sa Purok Malipayon, Brgy. Camindangan.
Nakaagom ini sang madamo nga igu sa lawas nga gintunaan sang iya gilayon nga kamatayon.
Sunu kay Metchian Gregorio, drayber niya si Villarosa sa ila traysikol nga ginakargahan sang ila bolante.
Dugang ni Gregorio nga may tatlo ka mga lalaki nga nagpalapit sa biktima sa traysikol nga naparking mga duha ka metros gikan sa ila kiosko. Duha diri ang nagtiro sa biktima samtang ang isa nagabantay lang.
Nagtuyo pa ang biktima nga magkamang pakadto sa ila kiosko apang padayun sia nga ginatiro sang mga suspek tubtob nga napatay.
Gilayon naman nga nalagyo ang tatlo padulong sa nabukid nga lugar sang Brgy. Camindangan.
Narekober naman sang mga otoridad sa lugar ang duha ka slug gikan sa kalibre .45. Kag padayun pa nila nga gina-usisa ang krimen./PB
[/av_textblock]
[/av_one_full]
