[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Drug syndicate member tiklo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nakuhaan sang isa ka pusil kag mga bala ang anay chief tanod nga ginapasuni miembro sang drug syndicate sa ginkasar nga raid sa Carmen Ledesma Village, Barangay Tacas, Jaro diri alas-cinco sang aga kahapon.
Ginkilala ang suspek nga si Ricardo Trabuco, Jr. y Ornega alyas “Sixby,” 41, kasado kag residente sang nasambit nga lugar.
Sunu sa Criminal Investigation and Detection Group (CIDG) 6, bitbit ang search warrant sa pagbayolar sang RA 10591 ukon Comprehensive Firearms and Ammunition Regulation Act nga gin-apply nila sa opisina ni Hon. Gloria Madero, executive judge sang Branch 29, Regional Trial Court, Iloilo City nga napetsahan Agusto 24, 2017, nagpadulong sila sa balay ni Trabuco.
Nakumpiskar diri ang isa ka unit sang .45 caliber pistol, apat ka mga magazine, 26 ka mga bala, isa ka holster, kag itom nga magazine.
Sa interbyu naman sang Panay Balita kay Trabuco, gina-aku sini nga sia ang nagapanag-iya sang narekober nga pusil bangod nga ginahimu niya ini nga pangdepensa sang nagapungko pa sia nga chief tanod sang ila barangay.
“Aku ko na nga akon na. Bal-an mo commander man akon sang Tacas. Ang pusil na ya para safe man ako maglakat-lakat kon kaisa,” hambal ni Trabuco.
Pero ginpanginwala sini nga nagahupot pa gid sia sang iban nga mga pusil bangod nga indi man sia makasarang magbakal sini.
“Indi ko na ma-aku nga may lagba ko kay ang akon masarangan amo lang na. Baligya ko tani para may mabakal ko pagkaon kaso wala man,” dugang sini.
Nag-gwa naman sa pag-imbestigar sang CIDG-6 nga si Trabuco ang sub-group leader sang Prevendido Drug Group kag anay miembro sang grupo ni Ernesto Bolivar, isa ka drug syndicate nga nakabase kag naga-operate sa Pototan, Iloilo kag kaiping nga mga banwa kag probinsya. Pero lunsay naman ini ginhimutig sang suspek.
Sa karon, si Trabuco priso na sa karsel sang CIDG-6 para sa nagakaigu nga disposisyon sang iya kaso./PB
[/av_textblock]
[/av_one_full]
