[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Drummer ginbunu sang miembro sang gang’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Pilason ang 16-anyos nga drummer sang Tribu Paghidaet matapos nga ginbunu sang ginapasuni miembro sang gang sa La Paz Public Market sa distrito sang La Paz alas-12 sang kaagahon kahapon.
Gindala sa West Visayas State University Medical Center si alyas Goko nga nakaagom sang samad sa tuo nga kilid.
Ginatudlo naman nga suspek ang isa ka miembro sang Taylor Gang nga nakilal-an lamang sang biktima sa nawong.
Sandig sa report sang La Paz PNP, nagalakat na ang biktima pauli sa ila balay upod ang iban nga drummers sang Tribu Paghidaet sang nasumalang nila ang pito ka mga miembro sang Taylor Gang kag wala sang ano man nga rason nga nagsuya-ay ang duha ka grupo tubtob nga nagluntad ang komosyon kag nabun-an ang biktima.
Nagpalagyo man dayon ang mga miembro sang gang samtang ginbuligan naman sang iya mga abyan nga madala sa ospital ang biktima.
Nahibaluan nga bag-o lamang tapos praktis ang grupo sang biktima kag tuyo nila nga maghapit sa merkado para magkaon antes magpuli.
Samtang ginasulat ining balita, padayun pa ang pagkilala sang La Paz PNP sa mga miembro sang gang nga nadalahig sa komosyon./PB
[/av_textblock]
[/av_one_full]
