[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Durogista patay sa drug bust’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Dead-on-the-spot ang ginapatihan durogista matapos nga nagbatu sa mga pulis nga nagkasar sang drug bust operation sa Zone 2, Barangay Bakhaw, Mandurriao diri alas-6:45 sang gab-i sang Sabado.
Sandig sa imbestigasyon sang Mandurriao PNP sa pagpamuno ni Senior Inspector Adolfo Pagharion, ang napatay nakilala nga si Romy Hisog alyas Torio, 30, kag residente sang Brgy. Bakhaw, Mandurriao. Nakaagom ini sang patal nga mga pilas sa kamot kag kilid sang lawas.
Tion sang operasyon sang Mandurriao PNP upod ang Regional Public Safety Battalion 6, samtang naga-baylohanay sang item ang isa ka pulis nga nagpakuno-kuno manogbakal kag si Hisog, gulpi lamang nagpalupok ang naulihi sang iya armas rason nga nagbalos man ang mga pulis nga nagaserbe backup.
Nagdalagan dayon palagyo si Hisog kag nakalab-ot sa sulod sang ila kasilyas kag diri na nga natumba.
Nakuha naman sang mga otoridad malapit sa wala nga kamot sini ang isa ka granada kag kalibre.38 nga pusil.
Luwas kay Hisog, gindakop man sang mga pulis sanday Venus Mina, 20; Carmelita Bactong, 42, sang Brgy. Balabag Pavia, Iloilo; Glenda Oribe, 47, sang Brgy. Bakhaw, Mandurriao; kag Jerry Lagutin Jr., 24, sang Brgy. Tagbak, Jaro nga gina-alegarmga kahimbon sang subject sa pagbaligya sang ilegal nga droga./H
[/av_textblock]
[/av_one_full]
