[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Duterte, mabisita sa haya ni Demafelis’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 19, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Natalana nga magbisita si Presidente Rodrigo Duterte sa Sitio Cordero, Barangay Ferraris, Sara, Iloilo para personal nga mapalab-ot ang pakig-unong sa pamilya ni Joanna Daniela Demafelis nga nasapwan patay sa sulod sang freezer sa Kuwait.
Pero antes ini, nagpadala na kahapon sang bulak ang presidential management staff sa haya ni Demafelis.
Sa nahibaluan, si Demafelis ang nag-obra bilang overseas Filipino worker (OFW) sa Kuwait humalin sadtong 2014 pero gin-report ini nga missing sadtong 2016 sang iya mga amo nga mag-asawa nga Lebanese kag Syrian.
Sanday Hans Leo Cacdac, administrador sang Overseas Workers’ Welfare Administration kag Atty. Hansel Didulo, assistant secretary for the Visayas and assistant secretary for Regulations sang Department of Agriculture (DA), ang nagkumpirmar sa mga katapo sang media angut sa plano sang presidente nga magkadto sa balay ni Demafelis.
Hambal pa ni Didulo nga makadto si Duterte sa haya ni Demafelis sa Pebrero 22 para makapalab-ot sang pakig-unong sa pamilya sini.
Kadungan man ini sang natalana nga pagbisita sang presidente sa Camp General Adriano Hernandez sang Philippine Army sa Dingle, Iloilo para magtambong sa programa sang DA kag Department of National Defense nga “Tienda Bigasan Para sa Masa.”
Sang Sabado sang aga lang nag-abot sa Iloilo ang bangkay ni Demafelis kon sa diin ginsug-alaw ini sang iya mga himata kag madamo nga mga Ilonggo nga nagabuylog sa kalisod sang pamilya Demafelis.
Kalabanan man sang nagsug-alaw sa bangkay ni Demafelis nagsuksok sang duag puti nga t-shirt nga may imprenta nga “Justice for Joanna D. Demafelis.”
Samtang, ang konseho sang banwa sang Sara nagkondenar sa pagpatay kay Demafelis paagi sa pagpasar sang resolusyon sadtong Pebrero 13. Ginlaragway sang mga konsehal ang kamatayon sini nga kahimuan sang demonyo base man sa resulta sang autopsy examination nga ginsakit tubtob mapatay si Demafelis kag ginsulod sa freezer./PB
[/av_textblock]
[/av_one_full]