[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Dyep nahulog sa pil-as: 1 patay, 9 pilason’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
INSERT DATE HERE!
[/av_textblock]
[av_textblock size=” font_color=” color=”]
Syudad sang ILOILO – Patay ang isa ka persona samtang siam naman ang pilason matapos nga nahulog sa pil-as ang ginasakyan nila nga de-pasahero nga dyep sa Barangay Tibiao, Altavas, Aklan alas-cuatro sang hapon sang Domingo.
Dead-on-arrival sa Altavas District Hospital si Marjun Martinez y Villasis, 32, soltero kag residente sang Brgy. Bayebaye, Jamindan, Capiz, bangod sang patal nga pilas sa lawas.
Nakaagom naman sang minor nga mga samad sa lawas ang siam ka iban pa nga mga pasahero rason nga ginpangdala man sila sa nasambit nga ospital samtang maswerte nga hilway ang kondisyon sang 16 ka iban pa nga mga pasahero.
Sunu sa report sang Atlavas Police Station, sakay ang indi magnubo 25 ka mga biktima sa de-pasahero nga dyep nga ginamaneho ni Alex Lasconia sang Brgy. Pangabauan, Jamindan, Capiz kon sa diin naghalin sila sa Borabocay beach sa Brgy. Soncolan, Batan, Aklan kag mapauli na kontani sa Jamindan sang nagluntad ang aksidente.
Gina-alegar nga nadulaan ang drayber sang kontrol sa pagmaneho kag naglapaw sa dalan tubtob nga nahulog sa pil-as.
Nagpalagyo naman ang drayber sang dyep matapos ang aksidente dala sang kakulba./PB
[/av_textblock]
[/av_one_full]
