[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Estudyante nabaklan shabu sa Oton ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nakuhaan sang walo tanan ka mga plastic sachets sang ginasuspetsahan shabu ang 19-anyos nga estudyante sa Barangay Trapiche, Oton, Iloilo alas-5:30 sang hapon sang Miyerkoles.
Ginkilala ang subject sa operasyon nga si Wyatt Dominique Gutierrez, residente sang Brgy. Manhara, San Joaquin, Iloilo.
Sandig sa rekord sang Oton Police Station, una nga nabaklan sang ila poseur buyer sang isa ka plastic sachet sang gina-alegar shabu balor P500 ang suspek.
Nakumpiskar dugang diri ang pito ka mga plastic sachets sang ginapasuni shabu kag marked money.
Sa interbyu naman sa suspek ginpanindugan niya nga planted ang nakuha nga ginapahayag shabu sa iya bulsa kag gindugang nga wala sia naga-gamit ukon nagabaligya sang shabu.
“Wala gid ako naga-drugs kag wala ako nagabaligya. Tarong ang pagpadaku sang akon ginikanan sa akon, indi ko kinahanglan. Ginbutang lang nila sa akon bulsa,” depensa ni Gutierrez.
Gin-alegar man sini nga nagasakay sia sa iya awto halin sa eskwelahan sang gulpi lang sia ginbalabagan sang patrol car kag motorsiklo.
Sang nakadulog na sia, sunu kay Gutierrez nga ginpalapitan sia sang mga pulis kag ginapasuni nga ginkastigo kag ginpasakay sa patrol car para dal-on sa presinto.
“Papuli ako halin sa eskwelahan. Dira sa Trapiche gulpi lang nagbalabag duha ka mga awto kag isa ka motor. Pagbalabag nila sa akon, gintayaan nila ako pusil. Tapos gulpi lang nila ako ginkastigo sa sulod sang salakyan,” dugang niya.
Samtang ginasulat ini nga balita, si Gutierrez priso na sa karsel sang Oton Police Station kag magapangatubang sang kaso nga pagbayolar sang RA 9165 ukon Comprehensive Dangerous Drugs Act of 2002.
Nahibaluan pa sang Panay Balita nga ang suspek may rekord na sang paglapas sa RA 9165 mga isa ukon duha ka tuig na ang nagligad sa San Joaquin. /PB
[/av_textblock]
[/av_one_full]
