Focus lang, Joe

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Focus lang, Joe’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Saturday, March 10, 2018
[/av_textblock]

[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SA TUNGA sang mga bag-o nga hitabu sa politika subong sa syudad sang Iloilo, ang pinakamaayo nga panugyan sa atun alkalde, “focus lang mayor.” Indi gid magpaapekto sa mga sablag sa imo pagdumalahan.

Bag-o pa sa paminsaron sang mga Ilonggo ang deklarasyon nga magapadalagan si Cong. Jerry Treñas sa pagkaalkalde sang syudad sang Iloilo. Dako ang epekto sini sa malinong na kuntani nga pagpatikang ni Mayor Jose Espinosa III sang panggobyerno sang syudad.

Kun sang una focus lang ang alkalde sa governance kag pahigad lang anay ang pamulitika. Buot hambalon bisan magsentro lang sa trabaho niya bilang alkalde sang syudad si Joe III, okay lang kay wala sang pamahog sa iya handum nga mangin alkalde. Apang subong nga nagdeklarar na si Jerry nga magabalik sa renda sang syudad, apektado na ang focus sa trabaho ni Joe III.

Indi makasiling si Joe nga pahigad lang anay ang pulitika bangud subong pa lang nagahanda na ang mga kontra agud bunggoon sya kag ang masakit sina kontra nya ang iya bilas. Sigurado nga nagatrabaho lang ang alkalde apang indi madula sa likod sang iya paminsaron nga dapat maghanda naman sya bangud ang kontra nagapabakod na sang opensa.

Sa pihak sini focus lang, Joe. Ang maayo nga pamolitika amo ang maayo nga pagdumala sang renda sang syudad. Ipakita nga tuhay ang imo pulitika sa imo bilas. Ipakita nga padayun ang imo pagserbisyo sa mga pumuluyo sang syudad agud matalupangdan sang mga Ilonggo nga nagakadapat ka nga magpadayun bilang alkalde.

Mabug-at ang imo alatubangon nga sambuwa sa politika sa palaabuton. Pila na lang ka bulan dapat plastado na ang imo linyada kag organisasyon sa kabarangayan. Gani dapat handaan na ini subong pa lang.

Mabudlay ang papel ni Joe III subong bangud indi lang politika ang iya dapat atubangon kundi pinamilya na. Indi pwede mapain ang away sa politika kag relasyon sang pamilya. Bisan pareho man sila nga duha ni Jerry nga tapik sa mga Sarabia, pero ti ang duha ka babaye mag-utod naman. Indi nila pwede masiling nga politika lang ini bangud mas mabakod ang relasyon sang pamilya kontra politika. Ini ang kultura sang mga Filipino. Ginahatagan sang balor labaw sa tanan ang pamilya.

Kabay pa nga sa pihak sining mga sablag nga ginaatubang ni Joe III focus lang sya gihapon. Focus sa serbisyo kag pagdumala sang syudad.

Focus lang, Joe, kay sigurado ang mga Ilonggo magatalupangod gid sa imo! (jpranco1975@gmail.com/PN)
[/av_textblock]

[/av_one_full]