[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’FOREMAN GINLAMPOSAN SANG PANDAY’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 12, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Patay ang foreman matapos nga gina-alegar ginlamposan sang baratiha sang panday sa ila barracks sa Barangay Laguda, distrito sang La Paz diri alas-tres sang kaagahon kahapon.
Sandig sa imbestigasyon sang La Paz PNP, wala na madala sang mga katapo sang Iloilo City Emergency Response team sa ospital ang biktima nga si Ivan Pama, 36, soltero, kag tumandok sang Barotac Viejo, Iloilo, bangod nga matugnaw na ini nga bangkay sang nasapwan ni Rocel Naces nga nagahura-ay kag duguon ang ulo.
Natukiban pa sang La Paz PNP nga naga-inom ang biktima kaupod ang iban nga mga trabahador sang Condon Construction subongman ang grupo sang suspek nga si EG Bia, 26, kag tumandok sang Brgy. Sabang, Dumangas, Iloilo sa Paseo KTV sa Brgy. Laguda mga alas-otso sa gab-i sang Sabado.
Sang nahubog na, gina-alegar nga nag-iskandalo ang suspek rason nga ginsaway sang biktima kadungan sang pamahog nga pahalinon ini sa trabaho nga nagresulta sa ila pagbaisay. Gintambagan man sila ni Ralph Francis Hechanova kag gindala niya ang biktima sa ila opisina para makalikaw sa gamo.
Pero sunu sa La Paz PNP mga alas-11:30 sa gab-i nagbalik si Pama sa ila barracks kag ginkadtoan si Bia nga nagakatulog kag ginsumbag sa nawong rason nga namurag-muran ang na-ulihi kag nagpangita sang baratiha kag ginlamposan ang biktima sa ulo. Madasig ini dayon nga nagpalagyo.
Pero sa follow-up operation sang La Paz PNP, nadakpan nila ang suspek sa Barangay Sabang, Dumangas pasado alas-11:50 sa aga kahapon.
Sa interbyu sang mga katapo sang media, gin-aku sang suspek ang paglampos sang baratiha sa biktima sa paghambal nga nadala lang sia sa impito.
“Natulogan don ako tapos sinumbag ya ako. Ti, daw namurag-muragan ko. Amo to naggwa ko para magkuha baratiha, amo to binakol ko. Ti, tapos naglakat ako dayon,” siling ni Bia.
Sa pihak nga bahin, tuman ang pagtalangison sang iloy sang biktima nga si Letecia Pama, 68, bangod nga ginpatay gid ang iya bata.
“Tani ginkaluy-an mo man si Ivan. Wala mo lang ginpatay. Ginsumbag mo lang,” siling sang nagahibi nga si Letecia,
Samtang ginasulat ini nga balita, ang suspek priso na sa karsel sang La Paz PNP para atubangon ang nakomiter nga krimen./PB
[/av_textblock]
[/av_one_full]