[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’GIKAN SA PRESTIHIYOSO, PADULONG SA MILAGROSO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 29, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Nagapabilin pa ang handumanan, ang kakapoy wala pa nabulong, ang kasadya padayun nga nagatuga sang pagyuhum apisar nga natapos na ang selebrasyon sang Dinagyanng Festival 2018.
May nagmadinalag-on sa kompetisyon kag may ginkulabos sa talaksan sang mga magadaog. Apisar sina, panginbulahan sa tanan nga nagpasakop, naghimakas, naghatag sang tinion kag kusog agud nga magdugang sa duag kag kakunyag sang Dinagyang.
Nasaksihan na sang tanan ang prestihiyoso nga selebrasyon nga bantog indi lang sa palibot sang Iloilo kundi sa bug-os nga kalibutan.
Nagapasulod na kita sa isa pa ka selebrasyon nga napun-an sang pagtuo kag milagro nga kilala man sa bug-os nga pungsod.
Magaselebrar man ang distrito sang Jaro sang iya kapyestahan sa Biyernes bilang pagpasidungog kay Nuestra Señora de la Candelaria ukon Our Lady of the Candles.
Magluwas sa handum sang kadamuan nga makabakal sang kandila ukon ang ginatawag nga perdon, may mga mahuyugon sa bulang nga nagapadulong sa Jaro Coliseum nga kilala sa bug-os nga pungsod kag ginatiponan sang tanan nga mahuyugon sa bulang sang manok.
Nangin palaagyan man sang pagpasundayag sang mga ‘buena familia’ ang kapyestahan sa Jaro bangod ang ginakilala nga mga prinsesa sang piyesta amo yadtong gikan sa mga may sarang sa kabuhi nga pamilya kag makatukos sa paggasto lamang makoronahan sa kapyestahan.
Bisan ano pa nga mga aktibidades ang nasagnoy kag pilit nga ginatapik sa kapyestahan apang ang ang mga tumuluo ang mas nagahatag sang importansya sang relihiyoso nga pagsaulog sini.
Nabantugan ini nga Our Lady of Candles kag kilala man bilang Nuestra Señora de la Purificacion y Candelaria kag mas kilala pa gid bilang Nuestra Señora de la Candelaria nga isa ka Marian title nga ginlaragway sa 16th-century Roman Catholic wooden image of the Blessed Virgin Mary nga ginhatagan sang lubos nga pagtahod sang Filipino Roman Catholics sa Western Visayas region.
Kilala ang estatwa nga nagauyat sang kandila kag nahamtang sa Jaro Cathedral nga sang damlag lang ginhingadlan bilang National Shrine of Our Lady of the Candles.
Sa idalom sang sini nga tig-ulo, si Maria ang ginadumdom sadtong ginpresentar si Hesus sa templo kag sa diri nagsiling si Maria nga nagpasakop siya sa seremonya sang purificacion santu sa sinadto nga Candlemas festival nga nag-ugat sa Halakha ukon Jewish law.
Nagahatagan sang merito ang estatwa gikan kay Pope John Paul II nga nag-imponer sang canonical crown sa estatwa sa tion sang iya Apostolic visit sadtong Pebrero 21, 1981.
Matuod nga bantog ang piyesta sa Jaro Plaza. Matuod nga madamo sang nagahingamo nga nakasimba kag makabakal sang perdon.
Kag kon ano ka damo sang nagakadto agud magsimba, amo man kadamo sang mga nagatuhaw nga kontrobersiya sa Jaro Plaza. Nalikupan sang kasakon, sang kadalok kag maiya-iyahon nga pagdumala ang nagakatabu nga nangin mitsa sang indi paghangpanay kag pagbinangigay.
Untatan na ang pagmusing sa kapyestahan ni Nuestra Señora de la Candelaria kag ipatudok ang relihiyoso nga mga aktibidades.
Ipalapnag man sa mga ulihi nga henerasyon nga milagroso ang patron sang Jaro./PB
[/av_textblock]
[/av_one_full]
