[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Gobyerno probinsyal mahatag bulig sa pamilya Demafelis’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 15, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginpasiguro sang gobernador sang probinsya sang Iloilo nga mahatag sila sang bulig sa pamilya sang Ilongga nga overseas Filipino worker (OFW) sa Kuwait nga nasapwan patay sa sulod sang freezer.
Ginhambal ni Gob. Arthur Defensor, Sr. nga ginahulat na lang nila nga makaabot ang bangkay ni Joanna Daniela Demafelis, tumandok sang Barangay Ferraris, Sara.
“Hulaton ta anay kay way pa kaabot ang bangkay. Gina-imbestigar pa sang mga otoridad sa Kuwait. Hulaton ta. Buligan ta. Wala na ya kwestiyon,” sabat ni Defensor sa interbyu sang mga katapo sang media kon may ihatag nga bulig ukon assistance ang probinsya sa napatay.
Samtang, wala sang komento ang gobernador sa nangin desisyon sang gobyerno sang Pilipinas nga ipatuman ang deployment ban sang mga OFW sa Kuwait matapos nga madamo na sang mga Pinoy ang ginpang-abuso didto.
“Indi na kita sina. It’s a policy decision of national government. Indi na kita sina magtudlo sa ila,” siling lang ni Defensor.
Ginpasalig naman sang Overseas Workers Welfare Administration (OWWA) 6 kag Department of Foreign Affairs nga mabulig sila para mapadasig ang pagpapauli sa bangkay ni Demafelis sa tion nga matapos na ang imbestigasyon sang mga otoridad sa Kuwait.
Sa pihak nga bahin, padayun nga nagasinggitan sang hustisya ang pamilya Demafelis angut sa makasiligni nga nadangtan sang biktima.
“Nagpanawagan ako sa gobyerno nga buligan kami hatagan sang hustisya ang akon bata,” siling sang iloy sang biktima nga si Eva sa interbyu sang ABS CBN News.
Tuig 2014 sang nagpadulong sa Kuwait si Demafelis para magtrabaho sa tuyo nga makabulig sa ila pamilya pero nag-untat ang komunikasyon sini sa iya pamilya sadtong Pebrero 2017 rason nga nagdangop na ang iya pamilya sa OWWA.
Sunu naman sa OWWA, ginhimu nila ang tanan nga masarangan para makit-an ang biktima pero napaslawan sila bangod nga nagsirado ang agency nga gin-aplayan sini./PB
[/av_textblock]
[/av_one_full]