[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Graduation na naman’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 20, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
PEBRERO na. Pag-abot sang bulan sang Marso kag Abril, ti-on na sang graduation sa senior high school kag kolehiyo.
Pero pabay-an na lang natun anay ang kolehiyo kay may kahilwayan sila sa pagpatuman sang ila sistema sa graduation.
Sa high school nagpagwa sang guidelines ang Department of Education. Sun okay Dr. Lea Bellesa, regional public information officer, ang graduation dapat mangin simple kag solemn nga naka-focus ukon sentro ang kabataan nga manugtapos.
Magagamit man ang eskwelahan sang ila Maintenance and Other Operating Expenses (MOOE) sa graduation ceremony. Nagakahulugan nga may budget ang eskwelahan para diri. Gani kun may alamutan man dapat dyutay lang kag nakasugtan sang mga ginikanan.
Ang graduation isa ka importante nga hitabu sa kabuhi sang estudyante. Gusto nila ini nga mangin halandumon nga matanum gid sa ila paminsaron. May mga eskwelahan nga ginatuman ang pagsulondan sang DepEd sa tagsa ka tinaga. Buot silingon wala nagapaamot kag uniporme lang ang isoksok sang mga kabataan sa ila graduation. Dalayawon ini nga mga klase sang eskwelahan.
Pero pwede man ini maligwat sang eskwelahan kun gusto sang mga kabataan kag ginikanan. Buot silingon kun gustuhon sang mga ginikanan kag kabataan pwede sila makagamit sang toga sa ila graduation. Kinahanglan lang ang resolution gikan sa PTA (Parents Teachers Association) nga nagapasugot ang mga ginikanan.
Nahangpan naton nga nagalikaw lang sa gamo ang mga manunudlo. Pero wala naman ini nagakahulugan nga indi na kamo magrisgo. Risgo nga nagasunod man sa kasuguan agud malikawan ang problema. Ang mga ginikanan handa magsuporta basta makita nila nga wala lang sila ginalansi sang eskwelahan.
Ngaa nasiling ko ini? Mga isa ka semana na ang nakaligad, may isa ka estudyante nga manugtapos sang senior high school nga nagasentimento ngaa kuno indi sila pagpasugtan nga magtoga sa graduation kay sugot man ang ila mga ginikanan?
Sang ginbasa ko ang thread sang comments may mga teachers man nga nag-comment nga ginadumili kuno sang DepEd kag wala sang ginikanan nga magrisgo. Ahay, ma’am, wala na nagrisgo ang mga ginikanan kay kamo mismo sarado ang inyo pinsar. Wala nyo ginaubayan ang kabataan kun paano matuman ang ila gusto sa legal nga pamaagi.
Pero kun kamo ang nagaubay sa ila sigurado gid nga mayapa-yapa man ang ginikanan. Ano bala nga makita mo ang imo anak nga una nga batch sang senior high school nga nakatoga nga nagamartsa?
Sa mga manunudlo, indi man magreklamo ang mga ginikanan kun makita nila nga husto lang ang tanan. Ubay lang ang ila kinahanglan.
Panginbulahan sa mga magatapos! Kabay pa nga matuman ang handum sang inyo dughan! (jpranco1975@gmail.com/PN)
[/av_textblock]
[/av_one_full]
