[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Hinablos ni Prevendido dakop sa drug bust’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Natikma ang No. 2 nga high-value target nga drug personality kag hinablos sang ginapasuni drug lord nga si Richard Prevendido sa ginkasar nga buy-bust operation sa Sitio Malipayon, Brgy. Bakhaw, Mandurriao alas-3:15 sang kaagahon kahapon.
Si Norberto Prevendido Jr. y Rolando alyas Ondoy, 33, kasado kag residente sang Brgy. Bakhaw, ang nabaklan sang mga katapo sang Regional Anti-Illegal Drug Special Operations Task Group (RAIDSOTG) 6 sang isa ka plastic sachet sang ginapatihan shabu balor P1,500.
Gindakop man sang RAIDSOTG-6 ang live-in partner ni Prevendido nga si Nicca Dela Cruz, 21, sang Brgy. Calaparan, Arevalo.
Sandig sa report sang RAIDSOTG-6, si Prevendido ang hinablos ni R. Prevendido nga ginhingadlan sang Philippine Drug Enforcement Agency 6 nga drug lord kag naga-operate sa Brgy. Bakhaw.
Nahibaluan pa nga bata man ang suspek ni kagawad Norberto Prevendido Sr. kag hinablos ni kapitan Remia Prevendido Gregori sang Brgy. Bakhaw.
Sa interbyu sang mga katapo sang media kay Prevendido, hugot sini nga ginapanginwala ang alegasyon nga No. 2 high-value target sia sang Mandurriao PNP bangod siling niya nga wala man sia nagabaligya sang ilegal nga droga.
“Na-umid lang ako ya. Ti, anhon ta kay ara na sige lang,” hambal pa sini.
Dugang niya nga madugay na sia nga nag-untat sa pagbaligya matapos nga nag-obra sia bilang welder.
Narekober sa iya paghinakop ang anum ka heat-sealed plastic sachets sang ginapatihan shabu nga may street value P20,000 kag duha ka cellphone.
Sa subong, ang magkarelasyon priso na sa karsel sang RAIDSOTG-6 kag natalana kasohan sang pagbayolar sang Section 5 sang Article 11 sang RA 9165 ukon Comprehensive Dangerous Drugs Act of 2002./H
[/av_textblock]
[/av_one_full]
