[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Wednesday, September 6, 2017
[/av_textblock]
[av_textblock size=’18’ font_color=” color=”]
ISAHANON subong nga nagapakig-away sang iya kawsa si Mayor Jed Patrick Mabilog. Nabungol ako sang kalinong sang mga politiko diri sa Iloilo ilabi na ang mga kaalyado sang alkalde.
Pinakamahipos sa ila amo si Cong. Jerry Treñas nga kaalyado sang alkalde. Sya pa naman ang ginakabig nga amay ni Mabilog sa lokal nga pamulitika sa syudad. Maathag nga ginluwas niya ang kaugalingon sa dalit sang bangkil ni President Rodrigo Duterte.
Mahipos man ang bise alkalde sang syudad nga si Jose Espinosa III. Siling nya wala sya kuno nakahibalo sang isyu. Natuyo pa sya kay bag-o lang panaog sa eroplano. Ini ang sabat niya sa ambush interview sang Iloilo City Hall Press Corps matapos ang flag ceremony sadtong Lunes bangud sya ang nagapungko nga Acting Mayor sang syudad.
Sa konseho maayo pa ang mga kaaway sa politika sang alkalde nga sanday city councilors Plaridel Nava kag Joshua Alim kay nag depensa na sa alkalde. Pero ang mga kaalyado ni Mabilog, hipos gid ya. Ano sila nahadlok?
Ang probinsya sang Iloilo safe man kun magsabat si Gov. Arthur Defensor Sr. Hay wala na sang nagapakig-away para sa dignidad sang Iloilo.
Ngaa bala nga tumalagsahon ang kahipos subong sang mga politiko sa Iloilo? Ngaa bala nga indi sila makadepensa sa Iloilo sa mga ginabasya nga lunang sang Presidente sa atun lugar? Maathag nga salbaranay na lang sila sang ila kaugalingon.
Sa sining masingki nga sitwasyon, matilawan ang kabakod sang tagipusoon ni Mabilog. Diri mahibaluan kun malampuwasan niya ang kapintas sang hampang sa politika.
Diri na makilala sang alkalde ang matuod niya nga mga kaalyado nga nagaalay-ay sa iya sa karon nga tuman ka baskog ang huyop sang akusasyon sa iya. Matuod nga wala sang nakatungkad sang matuod nga kaangatan ni Mabilog sa isyu sang ilegal nga droga. Sya lang man ang makasabat sini.
Masakit lang batyagon nga sa masobra na isa ka tuig nga wala sang kaso nga ginpasaka sa iya, apang nadugmok na sya sa panan-awan sang publiko bangud sa ginahimo sa iya ni Digong kag PNP Chief Ronald Dela Rosa.
Kun makabangon man sya sini, anom naman ayhan ang masunod? Korapsyon naman?
Bantayan!/PN
[/av_textblock]
[/av_one_full]
