[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Hired killer nagpatay sa empleyado sang water district ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Hired killers ang nagtiro-patay sa isa ka empleyado sang Escalante Water District sang ginsaka ini sa iya balay mga alas-7:30 ang takna sang gab-i sang Sabado.
Ang biktima ginkilala ni Supt. Leonardo Borromeo, hepe sang Escalante City PNP, nga si Epifanio Brayong, 50, may asawa kag taga-Sitio Binabuno sa Barangay Malasibog, Syudad sang Escalante. May igu sa liog ang biktima nga gintunaan sang iya kamatayon.
Sunu kay Borromeo, revolver ang gingamit sa krimen bangod wala sang basiyo nga napulotan sa eksena sang krimen.
Sunu pa gid sa iya, ang manner sa pagpatay iya gid sang hired killer bangod sia lang ang puntariya sang mga suspek kag wala ginhilabtan ang iya mga anak kag asawa.
Gilayon man nalagyo ang duha ka mga suspek nga nagsakay sa nagahulat nga motorsiklo.
Ang pagpatay, sunu pa kay Borromeo, may kahilabtanan sa trabaho sang biktima bilang disconnection team sang Escalante Water District.
Padayun pa man subong nga gina-usisa sang mga pulis ang amo nga kimen./PB
[/av_textblock]
[/av_one_full]
