[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Insurance claims sa public transport ti-on na nga pataasan’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Tuesday, February 27, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
HALOS adlaw-adlaw indi gid madula ang balita angut sa aksidente sa mga dalanon. Ini nagaulamid sa magagmay nga salakyan kaangay sang motor tubtob sa mga dalagko nga pampubliko nga salakyan kaangay sang bus kag mga delivery trucks.
Kun indi man mapatay ang mga naipit sa aksidente, madamo sa ila ang baldado kag nalumos sa utang bangud sa kagastuhanan sa hospital. Ano abi kay sa insurance ahaw nga P20,000 ang hospitalization kag P200,000 nga death benefits.
Kun basehan ang gasto sa hospital kag pagpalubong, kulang ini nga kantidad. May mga procedures ukon gamit nga tuman ka mahal kag ang P20,000 nga medical benefits tuman ka gamay.
Sa mga kaso sang napatay ang P200,000 kulang pa sa pagpalubong kay ang disente nga lungon nagabili na sang P30,000. Wala pa dira nadala ang gasto sa haya, patyo kag iban pa. Kun isipon tama gid ka kulang.
Kun tan-awon ang kadamuon sang mga nabiktima sa aksidente sa dalanon, tuman gid ka timely ang ginaduso sang grupo sang Lawyers for Commuters Safety and Protection (LCSP) nga pasakaan ang insurance claims sang mga biktima sa vehicular accidents.
Sa sulat ni LCSP president kag anay Land Transportation Franchising and Regulatory Board (LTFRB) director Atty. Ariel Enrile-Inton Jr., ginaduso niya nga himuon nga P100,000 ang medical benefits sang mga pasyente kag P400,000 ang death claims sang pamilya sang napatay.
Siling ni Inton, sa kadugayon niya sa gobyerno kag bilang BOD (Board of Director) sang LTFRB, nakita niya nga kinahanglan na nga pataasan na gid man ang insurance claims. Bisan ang accredited insurance consortium nga PAMI kag SCCI pabor sa sini nga plano. Ang ila lang nga ginahingyo nga palawigon ang ila accreditation nga maga-expire na sa Nobyembre 17, 2018 agud makapatuman sila sang bag-o nga rates. Approval na lang ni Department of Transportation (DoTr) secretary Arthur Tugade ang ginahulat.
Dapat lang nga pataasan na ini. Bangud sa padayun nga pagbalewala sang gobyerno sang panawagan sang LCSP, mas labi lang nga nabutang sa katalagman ang mga nagasakay sa salakyan ilabi na sa public transports. Matuod nga dugang ini nga galastuhan sa mga operators bangud magaresulta ini sa pagsaka man sang premiums, pero maayo na ang makasigurado.
Ang aksidente sa dalan indi mahibaluan kun san-o matabu. Ang pagpataas sang insurance protection ini sang atun riding public. Kabay pa nga masabat ini gilayun ni Secretary Tugade.
***
PS: Ay huo gale, san-o ayhan ma-legalize sang gobyerno ang operation sang mga habal-habal? Indi mapauntat ang serbisyo sang mga habal-habal bangud sila lang ang transportasyon nga kasarangan para sa mga imol nga nagapauli sa mga maligwin nga lugar sa pungsod.
Kabay pa nga aktuhan naman ini sang gobyerno agud may protection man ang sumalakay diri. (jpranco1975@gmail.com/PN)
[/av_textblock]
[/av_one_full]
