MATAAS ang numero sang mga pasyente nga may dengue sa bug-os nga pungsod. Apang diri sa probinsya sang Iloilo may 19 na nga patay samtang sa syudad may lima na nga napatay. Wala diri sang labot ang ginatos na ka mga pasyente.
Sa tagsa katuig naga-isip na lang kita sang statistics sang dengue patients. Reklamo kita nga indi na maatipanan sang mga hospitals ang mga pasyente. Pero ikaw bala nangin responsible man sa imo palibot? Nagapaninlo ka man bala sa imo ugsaran? Ukon basi ikaw isa man sa nagalaghit sang basura bisan diin lang?
Sa pagtaas sang numero sang dengue cases subong, ginabasol naton ang Department of Health kag mga local government officials nga kulang ang ila ginahimo agud matapna ang dengue. Pero anay ka, antes kita mangbasol, nahimo ta man bala ang aton katungdanan?
Kun maglibot ka subong sa mga kabarangayan sa syudad ang basura indi maagwanta. Nagasalab-it bisan asta sa kudal sang mga panimalay kun magbaha.
May mga lib-og sang tubig sa palibot nga indi man lang gani mapahubsan bangud matamad man magpangkanal ang tagbalay. Kun maninlo ang mga tinawo sang gobyerno, diktahan pa nila kun diin ang sunod nga tinluan.
Tuman sa atun nga iresponsable. Iresponsable bangud ang mga hilikuton nga atun mahimo, isalig pa sa iban nga tawo kag sa gobyerno. Masiling kamo nagabayad man kami tax..ginboto man namon sila gani dapat magserbisyo sila. Ayteh, base nagpabakal ka man, amo na nga wala gana magserbisyo sa imo ang politiko nga imo ginboto.
Simple man lang kuntani ang pagtapna sang dengue. Pero ngaa sa pagkabudlay gid nga himuon?
Ahaw nga 4S indi ta mahimo?
Ari ang 4S kontra dengue suno sa Department of Health:
1. Search and Destroy
• Cover water drums and pails.
• Replace water in flower vases once a week.
• Clean gutters of leaves and debris.
• Collect and dispose all unusable tin cans, jars, bottles and other items that
can collect and hold water.
2. Self-Protection Measures
• Wear long pants and long sleeved shirt.
• Use mosquito repellent every day.
3. Seek early consultation
Consult the doctors immediately if fever
persists after two days and rashes appears.
4. Say ‘yes’ to Fogging When There is an Impending Outbreak or a Hotspot
Simple lang tani himuon ta sa atun panimalay. (jpranco1975@gmail.com/PN)
